Embargo në armatim kundër Libanit

BERNË. (01.11.06) Kërshilli federal do të zbatojë embargon në armatim të Këshillit të sigurimit të OKB. Qëllimi i sanksionit është çarmatosja e milicisë së Hizbollahut në Liban.

Këshilli federal sot ka vendosur një embargo në armatim kundër Libanit. Ai do të ndjekë kështu Këshillin e sigurimit të OKB, i cili për këtë rezolutë ka vendosur qysh më 11 gusht. Siç njofton Departamenti i ekonomisë nacionale (EVD) vendimi hyn në fuqi nesër.

Qëllimi i embargos është çarmatosja e të gjitha milicive në Liban. Këshilli i sigurimit e konsideron çarmatimin si një element primar për një armëpushim afatgjatë midis Izraelit dhe Libanit. Me këtë rast Kombet e bashkuara nuk kanë për qëllim të godasin Libanin si shtet.

Me anë të rezolutës do të goditet milicia e armatosur e Hizbollahut. Në këtë mënyrë Sekretariatit shtetëror për ekonomi (SECO) i lejohet që të aprovojë ndonjë përjashtim, gjithë përderisa kjo të miratohet nga qeveria libaneze ose nga fuqitë e OKB-së të pranishme në Liban.

"Vendimi mbi masat lidhur me Libanin" ndalon eksportin e mallërave të armatimit dhe materialit të ngjashëm. Janë të ndaluara gjithashtu financimi si dhe ndërmjetësimi i këtyre mallërave si dhe instruktimi teknik. Nga zbatimi i kësaj embargoje Zvicra nuk duhet të frigohet nga ndonjë dëmtim financiar. Sipas EVD, që nga viti 1998 aty është eksportuar mall luftarak në vlerën prej 35.000 frangash. Në këtë rast bëhet fjalë për 21 revolverë e armë zjarri të dorës për armatën dhe për gardën presidenciale.

snc shqip:

bislim elshani

zvicra sot >>>

lajme nëntor 2006 >>>