Konferenca e 11-të vjetore e bashkëpunimit zviceran me Lindjen

Rinia ballkanase - një gjeneratë në lëvizje

Krijimi i perspektivave më të mira ekonomike dhe shoqërore për të rinjtë në Ballkan përbën një aspiratë me rëndësi për bashkëpunimin zviceran me Lindjen. Kjo gjë u theksua nga ministrja e jashtme, Micheline Calmy-Rey, në Konferencën e 11-të vjetore të bashkëpunimit zviceran të DEZA-s dhe SECO-s më 3 nëntor 2006 në Lozanë. Gjendja e të rinjve në Ballkanin perëndimor ishte në fokus të interesimit në tubim.

LAUSANNE. (06.11.06) Në Ballkan ka shumë të rinj me arsim të lëvdueshëm. Shpesh, ndërkaq, mungojnë kushtet dhe mjetet e përshtatshme që ata të mund t'i shpalosin talentet e tyre. Në disa nga vendet e Ballkanit perëndimor pothuajse gjysma e të rinjve janë të papunë. Mungesa e perspektivës në afërsi shton gadishmërinë për migrim duke i hequr kështu shoqërisë forcat e saja më produktive. Për këtë arsye, bashkëpunimi zviceran angazhohet edhe në përkrahjen e të rinjve. Ajo përkrah programet e arsimit profesional të cilat ua lehtësojnë të rinjve kalimin në botën e punës. Pos kësaj të rinjtë po mbështeten edhe përmes programeve për forcimin e ekonomive laokale - psh. përmes qasjes më të lehtë në kredi të vogla.

"Bashkëpunimi zviceran me Lindjen përbën një investim për një të ardhme stabile dhe të sigurt të Ballkanit", nënvizoi ministrja Micheline Calmy-Rey në referatin e saj. Zvicra do të mbështesë edhe më tej vendet e Ballkanit perëndimor në rrugën e tyre të reformave. Me qëllim që puna e dëshmuar ndërtimore në Europën Lindore të çohet dhe të konsolidohet më tej, ministrja e jashtme rekomandoi me forcë aprovimin e ligjit federal për bashkëpunimin me Lindjen, për të cilin do të votohet më 26 nëntor. "Një Jo e mundshme për ligjin mbi Lindjen nuk do të ishte punë e mençur. Jo vetëm do të rrezikohej bashkupimi zviceran me Lindjen por do të viheshin në lojë me mendjelehtësi edhe marrëdhëniet e suksseshme bilaterale të Zvicrës me BE-në, paralajmëroi Calmy-Rey.

Walter Fust, drejtori i DEZA-s, dhe Jörg Reding, shef i bashkëpunimit zhvillimor ekonomik në SECO, iu referuan rezultateve solide të bashkëpunimit zviceran me Lindjen. DEZA dhe SECO që prej vitit 1990 kanë realizuar mbi 1000 projekte në 23 vende të Lindjes. Mbi 20 milionë njerëz tani kanë qasje të përmirësuar në përkudesjen bazë shëndetësore dhe rreth 3 milionë të tjerë pijnë ujë më të pastër falë ndihmës teknike dhe financiare nga Zvicra.

Krahas referateve të autores teatrale serbe, Biljana Srbljanovic, dhe të mysafirëve të tjerë nga Ballkani, një jehonë të fuqishme kanë pasur diskutimet e diasporës nga ish-Jugosllavia. Në "Yougo-Verso", një revistë e printuar që u prezantua në seminar, të rinjtë nga Ballkani shprehen lidhur me çështjet e identitetit të tyre dhe të integrimit në Zvicër. Pos kësaj u prezantua dhe një studim lidhur me transfertën e parave nga diaspora serbe në vendlindjen e tyre. Bashkëpunimi zviceran me Lindjen do ta thjeshtojë transfertën dhe do të mundësojë që këto mjete në vendet marrëse të mund të shfrytëzohen më mirë për qëllime produktive.

snc shqip:

bislim elshani

zvicra sot >>>

lajme nëntor 2006 >>>