Aplikohet ligji i ndryshuar mbi azilin

Masat e reja të detyrimit për azilkërkuesit hyjnë në fuqi nga 1 janari 2007. Këshilli federal mori vendim që disa pjesë të ligjit të ndryshuar mbi azilin të aplikohen që nga fillimi i vitit që vjen. Në këtë mënyrë abuzimet do të shmangen më heret, por edhe rastet e rënda do të trajtohen më bujarisht.

BERNË. (09.11.06) Masat e detyrimit kundër abuzimeve në fushën e azilit dhe përmirësimet për të pranuarit e përkoshshëm vlejnë që nga viti 2007. Këshilli federal ka vënë në fuqi të mërkurën pjesën e parë të ligjit të ndryshuar të azilit, të cilin populli votues e pati aprovuar me 24 shtator me një shumicë prej mbi 67 për qind. Për të evituar abuzimet, mirëpo edhe për të trajtuar më bujarisht rastet e rënda, do të nxirret një pako e parë me risime.

Pa dokumenta - pa procedim

Këtu hyjnë masat e detyrimit për zbatimin e së drejtës dhe për rastin e mosprocedimit për shkak të mungesës së dokumentave, në sensin e kundërt, ndërkaq, edhe rregulla e re për rastet e rënda dhe përmirësimet për të pranuarit përkohësisht. Ndihma sociale për azilkërkuesit e refuzuar do të anulohet vetëm nga viti 2008.

Qëndrim më i gjatë në burg

Autoritetet azilore, në të ardhmen, mund t'i mbajnë alzilkërkuesit pa leje qëndrimi nën arrest për tre ditë për të konstatuar identitetin dhe kombësinë e tyre. Burgu përgaditor zgjatet maksimalisht deri në 6 muaj, ndërsa burgu deportues maksimalisht deri në 18 muaj. Risi paraqet edhe burgu ekzekutues, për largimin me detyrim. Masat e detyrimit duhet vënë në jetë nga kantonet.

Në rastin e burgut deportues dhe ekzekutues qeveria edhe më tej do të paguajë një paushall prej 130 frangash në ditë dhe do të sigurojë një vend-burgimi. Pos kësaj, ajo nga kantonet do t'i sigurojë të dhënat që do t'i mundësojnë për të shqyrtuar zbatimin e masave të detyrimit.

Azilkërkuesit duhet që brenda 48 orësh pas hyrjes në Zvicër të paraqesin dokumeta identiteti ose udhëtimi, përndryshe do të përjashtohen nga procedimi. Kërkesa do të gjejë përgjigje pozitive, ndërkaq, po qe se mungesa e dokumentave do të mund të provohet me argumenta të arsyeshme.

Qasja në tregun e punës

Me ligjin e ri kantonet mund të ndajnë një leje qëndrimi po qe se një azilkërkue-s/-se, me procedurë të përfunduar apo të papërfunduar, gjëndet në Zvicër që prej më së paku 5 vitesh dhe që për shkak të integrimit të tij/saj progresiv do të konsiderohej si një rast i rëndë personal me peshë të veçantë.

Azilkërkuesit e pranuar përkohësisht mund të integrohen më lehtë në Zvicër dhe mund të kenë një qasje më të mirë në tregun e punës. Autoritetet kantonale mund t'u ndajnë atyre një leje punësimi pavarësisht nga gjendja ekonomike dhe në tregun e punës.

Pos kësaj, bashkëshortët dhe fëmijët beqarë nën 18 vjeç mund të tërhiqen në Zvicër vetëm tre vjet pas caktimit të pranimit të përkohshëm. Një parakusht është që familja të mos jetë e varur nga ndihmat sociale dhe që të ketë një banesë në pajtim me nevojat.

snc shqip:

bislim elshani

zvicra sot >>>

lajme nëntor 2006 >>>