Marrëveshja e OKB 

Pastrimi i minave pas konfliktesh

BERNË. (13.11.06) Që nga 12 nëntori 2006 Zvicra bashkë me mbi 20 vende të tjera janë të obliguara për të mënjanuar mbetjet nga mjetet ekplozive të luftës pas ndonjë konflikti. Ndërkaq SHBA, Izraeli, Kina dhe Rusia nuk e kanë nënshkruar Protokolin V.

Protokoli V i Kombeve të bashkuara lidhur me Marrëveshjen për armët ka të bëjë me lëndët plasëse të paeksploduara nga bombat kasetore ashtu si dhe granatat artilerike e mortajat, granatat e dorës dhe raketat. Pas përfundimit të konflikteve këto kërcënojnë para së gjithash popullsinë civile, ekipet shpëtimtare dhe ndihmësit në rindërtim.

Kombet e bashkuara dhe Komiteti ndërkombëtar i Kryqit të kuq kanë përshëndetur hyrjen në fuqi të Marrëveshjes së nëntorit 2003, duke kritikuar, ndërkaq, faktin që shtete me rëndësi, siç është psh. SHBA, nuk e kanë nënshkruar atë. Shtetet e lidhura me Protokolin V janë të obliguara që pas përfundimit të një konflikti të informojnë lidhur me zonat e goditura operacionale nga armët përkatëse, për të markuar hapësirat si dhe për të shmangur udhëtarët e rastit ose për të financuar shmangien e tyre.

Sipas të dhënave të OKB, marrëveshjen e kanë nënshkruar 25 vende. Protokolin V të Marrëveshjes së OKB mbi armët, ndërkaq, nuk e kanë nënshkruar SHBA, Kina dhe Rusia. Edhe Izraeli, i cili qe kritikuar ndërkombëtarisht për një operacion me bomba kasetore në Libanin e jugut, nuk ka pranuar të lidhet me detyrime ndaj kësaj marrëveshjeje. Edhe 3 muaj pas përfundimit të luftës, mënjanimi i municionit të bombave kasetore në Liban mezi po lëviz nga vendi, duke qenë se qeveria izraelite refuzon të tregojë vendet ku janë hedhur bombat e saj. Gjer më tani janë numëruar afro 800 vende të tilla.

snc shqip:

bislim elshani

zvicra sot >>>

lajme nëntor 2006 >>>