Më shumë kamera nëpër stacione trenash

LUZERN. (21.09.06) Hekurudhat federale zvicerane (në origjinal: SBB) do ta zgjerojnë video-vëzhgimin nëpër stacionet më të mëdha të trenave, në të ashtuquajturit RailCity. Një kompleks i tillë sapo u hodh në punë sot në Lucernë.

Siç njoftohet nga SBB, kompleksi në Lucernë përbëhet prej 40 kamerash. Edhe stacionet në Uintertur, Lozanë dhe në Gjenevë do të pajisen me platforma të ngjashme gjer në fund të tetorit.

Kompleksi ekzistues në Cyrih javët e ardhshme do të rinovohet. Sipas informatës së një zëdhënësi të SBB, Bazeli dhe Berna tashmë disponojnë komplekse relativisht të reja vëzhgimi. Megjithatë, në një periudhë afatmesme, edhe ato do të pajisen me sisteme të tilla si ato të staconeve tjera Rail-City.

Vëzhgimi i ekraneve do të ralizohet nëpër qendrat e vëzhgimit në Gjenevë dhe në Cyrih. Pamjet do të transmetohen nga rrjeti i të dhënave të SBB përmes një sektori të rezervuar posaçërisht. Qasjet nga jashtë, sipas SBB, janë të pamundura.

Edhe në sistemin e ri do t'u përmbahen të gjitha përcaktimeve lidhur me mbrojtjen e të dhënave në SBB, si dhe dispozitave tjera ligjore, siguron SBB. Incizimet do të fshihen (shlyhen) pas 24 orësh, po qe se nuk do të arrijë ndonjë kërkesë për qasje në to nga një autoritet hetues zyrtar.

snc shqip:

bislim elshani

zvicra sot >>>

lajme shtator 2006 >>>