Alzheimer-i: Dy të tretat e rasteve të padiagnostikuara

BERNË. (22.09.06) Diagnoza e alzheimer-it duhet përmirësuar. Këtë kërkesë e ka shtruar Shoqata zvicerane e alzheimer-it në Ditën botërore të alzheimer-it.

Shoqata zvicerane e alzheimer-it shkruan në një njoftim se një diagnostikim më i hershëm do të mundësonte që përparimi i sëmundjes të vononte. Edhe presidenti federal, Moritz Leuenberger, kumbarë i Ditës së alzheimer-it në Zvicër, në mesazhin e tij apeloi për një diagnostikim më të hershëm të sëmundjes.

Lidhur me këtë temë, në gjithë Zvicrën u mbajtën manifestime që u drejtuan nga seksionet rajonale të Shoqatës së alzheimer-it. Çdo seksion ka përzgjedhur për të shpërblyer me një çmim një individ që është përkujdesur për ndonjë të sëmurë nga alzheimer-i.

Viteve të fundit numri i rasteve shfaqura të alzheimer-it vazhdimisht është rritur. Sipas një studimi të organizatës Alzheimer disease international (ADI) në Zvicër aktualisht janë të prekur nga kjo sëmundje 95 mijë njerëz. Më 2001 ishin akoma 89 mijë.

Këtë gjë studimi e shpjegon me faktin e shtimit të numrit të pleqëve. Pjesa më e madhe e të goditurve i tejkalon të gjashtëdhjetat; pjesëmarrja e këtij grupimi në numrin e përgjithshëm të të sëmurëve nga alzheimer-i nga viti 2001 deri më 2004 është shtuar për 5,5%.

Nga kjo sëmunjdje, ndërkaq, nuk janë të goditur vetëm të moshuarit, por edhe individë të moshës midis 30 deri 50 vjeç, tha Martha Favre, këshilltare në Shoqatën zvicerane të alzheimer-it. Ata zënë 10 % të rasteve. Sëmundja e tyre përfaqëson një formë të alzheimer-it në stadin e hershëm të tij, e cila është e trashëgueshme.

snc shqip:

bislim elshani

zvicra sot >>>

lajme shtator 2006 >>>