Po ligjit mbi të huajt dhe azilin

BERN. (25.09.06) Gazetat ditore zvicerane Jo-në masive për ndryshimin e ligjit mbi të huajt dhe për azilin ia atribuojnë para së gjithash suksesit të politikës së Christof Blocherit.

Po-ja e elektoratit zviceran është një votë për politikën e Blocherit, shkruan "Basler Zeitung (BAZ)". Votuesit kanë lejuar që t'u mbushet mendja nga një fushatë abuzive, sa simpliciste, po aq dhe efektive.

Për gazetën "Tages-Anzeiger" rezultati i Blocherit përbën "suksesin e tij më të madh si ministër". Mirëpo "ashpërsimet qeveritare të së drejtës së azilit tradicionalisht kanë kaluar lehtë në kutitë e votimit", përfundon kjo gazetë.

"Debakël i kuq-jeshilëve"

Për një sukses personal të Blocherit shkruan dhe "Neue Zürcher Zeitung". Po-ja e vendosur përbën "një shenjë shqetësimi kundër abuzimit me të drejtën e azilit". Votimi qe një debakël për kuq-jeshilët dhe një disfatë që nuk lejon "të kalojë vetëm me fjalë të bukura".

"Blick"-u e quan rezultatin një flopp (dështim) "blerto-majtist". Referendumi ishte një "zor i së majtës". E majta më në fund duhet t'i marrë seriozisht ankthet në popull. Ngase është realitet se shumë zviceranë kishin probleme me të huajt.

Për një zbatim human

Për gazetën "Thurgauer Zeitung" ligjet e reja përbëjnë për këtë shkak "një përgjigje sipas masës kundrejt abuzimeve të gjertanishme". Mirëpo përmes ligjit të ri është e lidhur dhe detyra që instrumentat e së drejtës për azil edhe më tej të përdoren me përgjegjësi të plotë.

Edhe "St. Galler Tagblatt" kërkon vlerësim të saktë në rastin e zbatimit. Popullsia i ka aprovuar këto ligje në besim, se do të zbatohen, ashtu siç u është premtuar, në mënyrë humane.

Gazeta "Neue Luzerner Zeitung" i vlerëson ligjet si "një kompromis të barazpeshuar". Edhe ajo kërkon që zbatimi i tyre të respektojë dinjitetin njerëzor dhe të koncentrohet vërtetë tek abuzimet.

Këtë kërkesë e ngre edhe "Berner Zeitung": tani obligohen para së gjithash përfaqësuesit e partive të qendrës. Ata dhe përfaqësuesit e tyre në qeveritë kantonale duhet të kujdesen për faktin që ashpërsimet të zbatohen në mënyrë adekuate dhe humane.

Për gazetën "Berner Bund" është e qartë, se Zvicra e pasur do të të jetë edhe më tej tërheqëse për njerëzit nga vendet e varfra. Për këtë arsye politika më në fund duhet të diskutojë lidhur me mundësitë e reja për një migrim të rregulluar nga vendet jashtë BE-së.

Gazeta "Mittelland Zeitung" i ka dhënë mes tjerash vend fjalës së politologut Marc Helbling: qartazi mesazhi "Kundër abuzimit me azilin - por jo kundër refugjatëve të njëmendët" është transmetuar mirë nga aprovuesit. Zvicra nuk është më ksenofobe se sa rrethi i saj.

Ngjallja e frikës

Ashtu si gazetat nga Zvicra gjermane, edhe ato zviceranoperëndimore rezultatin e qartë e shohin tek pajtimi me politikën e ministrit të drejtësisë. "Zviceranët janë deklaruar para së gjithash pro parullave të SVP-së (Stop abuzimeve)" - komenton "le Temps".

Emigrantët janë bërë kurban i anktheve të zviceranëve, thuhet në shumë nga gazetat e Zvicrës perëndimore. Gazeta e majtë gjenevase "Le Courrier" rezultatin e vlerëson si "një shuplakë" dhe si "një po të trullosjes". Edhe "Quotidien Jurassien" është e brengosur: "nuk është e shëndetshme një marrje qëndrimi e kushtëzuar nga frika."

"Le Matin" shkakun e aprovimit e sheh në pamjet e emigrantëve nga Kanaret, të cilat ishin ngulitur në kokat e njerëzve. Edhe gazeta e Freiburgut "Liberté" pas sjelljes referendumiane sheh ndjenjën e pasigurisë së përgjithshme.

Gazetat e Nëshatelit "L'Express" dhe "L'Impartial" këtë rezultat gjithashtu e shpjegojnë me frikën. Mirëpo "Tribune de Genève" paralajmëron: "Ata që përmes ligjeve të reja kanë shpresuar se të huajt do të zhduken nga mjedisi i tyre, do të zhgënjehen."

snc shqip:

bislim elshani

zvicra sot >>>

lajme shtator 2006 >>>