110 milionë për mjedisin global

BERNË. (29.09.06) Këshilli federal do të angazhohet edhe më tej për mbrojtjen mjedisore globale. Ai ka aprovuar për këtë qëllim një transferkredi prej 109,77 milionë frangash për vitet 2007 deri 2010. 88 milionë janë rezervuar për Fondin mjedisor global (GEF).

Vendet industriale janë obliguar për të ndihmuar përpjekjet e vendeve në zhvillim dhe në tranzicion me ndihmën e fondit multilateral. Në kuadër të negociatave ndërkombëtare do të vendoset se ç'kontribute financiare do të ofrojë secili vend veç e veç.

Transferkredia do të shërbejë për të rimbushur të 5 fondet. Fondi mjedosr global përfaqëson mekanizmin më të rëndësishëm financiar për zbatimin e marrëveshjes mjedisore ndërkombëtare për ndryshimet klimatike, biodiversitetin, lëndët kimike dhe shfaqjet e shkretëtirave.

Që nga viti 1991 GEF ka investuar 6,2 miliardë dollarë në 1800 projekte në 140 vende të ndryshme. Në këtë mënyrë për këto projekte u aprovuan investime të reja në një shumë prej 20 miliarde dollarësh. Në buxhetin e GEF-it prej 3,3 miliardë dollarësh, Zvicra do të marrë pjesë me 88 milionë.

Mbrojtja e shtresës së ozonit

Falë fondit multilateral të ozonit, vendet në zhvilim tashmë ia kanë dalë që të ulin nivelin e gazërave dëmtuese të shtresës së ozonit. Me një kontribut prej 12,12 milionë do të mbështeten përpjekjet e atyre vendeve në zhvillim, të cilat deri më 2010 do të duhet ta pezullojnë në pjesën më të madhe përdorimin e substancave shkatërruese të shtresës së ozonit.

Në tre fonde për mbështetjen e vendeve në zhvillim dhe në tranzicion në kuadër të Konventës mbi klimën do të rrjedhin 6,15 milionë. Për administrimin dhe për çuarjen më tej të transferkredisë për vitet 2007 deri 2010 do të sigurohet një kontribut prej 3,5 milionë.

snc shqip:

bislim elshani

zvicra sot >>>

lajme shtator 2006 >>>