Statistika e ndihmave për viktima 2005 Viktimat të shumtën i identifikojnë

Statistika e ndihmave për viktima 2005 Viktimat të shumtën i identifikojnë keqbërësit e dyshuar

BERNË. (02.10.06) Këshillimoret ndihmëse për viktimat të shumtën kanë të bëjnë me dhunën brenda familjes ose në rrethin e të afërmve të tjerë: tre në katër raste viktima personin e dyshuar keqbërës e ka të njohur. Kështu rezulton nga statistika e ndihmës për viktimat 2005.

Në mbi gjysmën e rasteve konsultative bëhet fjalë për një lidhje familjare, thuhet në bilancin e publikuar nga Enti Federal Statistikor (BFS). Në vitin 2005 këshillimoret e liçensuara të ndihmës për viktima kishin regjistruar gjithsej rreth 27.300 këshillime.

Në vitin 2000, vitin e parë të statistikës, mezi kishin qenë 16 000 këshillime: bëhet fjalë, pra, për një shtim prej 76 për qind. Kundrejt vitit 2004, numri i këshillimeve është shtuar për 8 për qind. Ky zhvillim nuk të lejon dot të përfundosh se është shtuar dhe numri i delikteve të bëra të dhunshme. Në radhë të parë ai tregon një marrje të shtuar në konsideratë të këshillimeve nga viktimat e delikteve të dhunshme.

Sipas statistikës gjyqësore, numri i akteve të rënda të dhunës në 20 vitet e fundit mund të thuhet se ka mbetur konstant, në kohën që lëndimet e thjeshta fizike janë shtuar dukshëm.

Viktima të shumtën femrat dhe fëmijët

Viktima janë kryesisht femrat dhe fëmijët, të cilët veprave të tilla u nënshtrohen në formë të pësëritur, pa mundësinë që për to të kenë dijeni policia ose gjykata. Pothuajse tre të katërtat e numrit të viktimave janë femra, 60 për qind janë zvicerane ose zviceranë. Në pothuajse çerekun e rasteve viktima ka qenë më e re se 18 vjeç.

Më së shpeshti janë paraqitur lëndimet fizike dhe lëndimet e integritetit seksual të fëmijëve. Këto këshillime rrallë kanë pasur të bëjnë me deliktin e vrasjes ose të tentimit për vrasje.

Në më shumë se gjysmën e këshillimeve për viktima bëhet fjalë për vepra të dhunshme të përsëritura. Në mbi tre të katërtat e veprave të dhunshme të përsëritura bëhet fjalë për persona nga rrethi familjar.

snc shqip:

bislim elshani

zvicra sot >>>

lajme tetor 2006 >>>