Sistemi informativ i Shengenit

Të prapambetur lidhur me mbrojtjen e të dhënave

BERNË. (13.10.06) Mbrojtjes së të dhënave, të siguruar paralelisht me futjen e sistemit informativ të Shengenit, i mungojnë resurset e nevojshme materiale dhe në personel. Në këtë mënyrë popullsia nuk do të jetë e mbrojtur në masë të mjaftueshme nga rreziqet e database-it ndërkombëtar të hetimeve.

I patrazuar, mirëpo i vendosur, kryetari i të ngarkuarve me mbrojtjen zvicerane të të dhënave, Bruno Baeriswyl, paralajmëroi të mërkurën në Cyrih për mungesat në mbrojtjen e të dhënave, të cilat do të mund të paraqiteshin me hyrjen në fuqi të Marrëveshjes së Shengenit, sipas parashikimesh, nga fundi i vitit 2008. Bashkëpunimi intensiv policor tejkufitar, si dhe pjesëmarrja në sistemin informativ të Shengenit SIS II, kërkojnë një mbrojtje të dhënash të pajisur në formën përkatëse. Kryetari i mbrojtësve të të dhënave është i brengosur se Zvicra do të jetë e pajisur në masë të pamjaftueshme që të mund të mbrojë popullsinë e saj nga rreziqet e sistemeve të fuqishme të informacionit nga Shengeni. Me këtë rast ai nuk e vë në pikëpyetje aspak domosdoshmërinë e bashkëpunimit policor tejkufitar.

Konferenca e qeverive kantonale (KdK) ka përpiluar udhëzimet për realizimin e mbrojtjes së të dhënave nëpër kantone. Ato janë në pajtueshmëri të plotë me kërkesat e BE-së. Ndërkaq, nëpër kantone janë ndërmarrë edhe përshtatjet e duhura ligjore. Përkundrazi, ka mungesa në sigurimin e mjeteve të mjaftueshme financiare dhe në personel, me qëllim që të bëhet e mundur që detyrat plotësuese të kontrollit edhe realisht të perceptohen.

Një anketë nëpër qendrat kantonale për mbrojtjen e të dhënave ka rezultuar me faktin se në 60 për qind të kantoneve, vetëm pjesërisht janë zbatuar udhëzimet nga konferenca e qeverive kantonale. Asnjëra nga 20 qendrat për mbrojtjen e të dhënave nuk mendon se do të ketë resurse të mjaftueshme financiare dhe në personel për t'i përballuar detyrat e lidhura me Marrëveshjen e Shengenit. Qendrat ekzistuese për mbrojtjen e të dhënave në shumicën e kantoneve, kur janë ngritur, nuk kanë pasur parasysh, ose kanë pasur parasysh fare pak, pjesëmarrjen në SIS.

Sistemi informativ i shengenit SIS

Sistemi informativ SIS është një platformë gjithëeuropiane për këmbimin e të dhënave policore midis 27 vendeve europiane të mëparshme me gjithësejt 450 milionë banorë. Aty përmbahen të dhëna për persona të evidentuar si nën hetim, të ftuar si dëshmitarë, që vlejnë si të humbur ose që do të hetohen qëllimisht në formë të mbuluar. Më pas mund të jenë të regjistruara edhe makinat automobilistike, dokumentat e identifikimit, armët e zjarrit ose kontot bankare. Me futjen në fuqi të Marrëveshjes së Shengenit, SIS II, si më vendimtari, do të përfshijë një fushë akoma më të gjerë të dhënash. Në të do të evidentohen dhe kategori të tjera lidhur me personin. Parashikohet, pos tjerash, edhe ruajtja e të dhënave biometrike. Do të çohen edhe më tej mundësitë për lidhjen në rrjet të të dhënave, ndërsa koha e ruajtjes së të dhënave do të shkojë nga 3 vitet e gjertanishme në 10 vite. Krahas autoriteteve kufitare dhe doganore si dhe qendrave policore federale, qasje direkte në këtë sistem, me mundësinë për t'i realizuar në të edhe shpalljet e veta, do të kenë edhe trupat policore kantonale.

snc shqip:

bislim elshani

zvicra sot >>>

lajme tetor 2006 >>>