Koreja Veriore

Zvicra mbështet sanksionet e OKB-së

BERNË. (16.10.06) Zvicra merr pjesë në sanksionet e OKB kundër Koresë Veriore. Më tej ajo do të shqyrtojë nëse do të jetë i mundur vazhdimi i dialogut të filluar më 2003 me këtë vend stalinist.

Departamenti i ministres Micheline Calmy-Rey sqaroi të martën se edhe Zvicra do të zbatojë sanksionet e vendosura nga Këshilli i Sigurimit i OKB kundër Pjongjangut.

Në një komuinikatë të sajën, Zvicra ka gjykuar provën e supozuar të nëndheshme atomike të Koresë Veriore të së hënës së shkuar.

Paraprakisht Zvicra kishte provuar shumë herë për t'i bindur udhëheqësit në Pjongjang që t'i bashkoheshin sërish Konventës për ndalimin e armëve atomike, të cilën ky vend e kishte revokuar më 2003.

EDA akoma s'ka vendosur nëse do të vazhdojë edhe më tej dialogun politik me Korenë Veriore. "Ne jemi gjithmonë në gadishmëri që programet dhe projektet tona në botën e jashtme t'i verifikojmë në dritën e aktualitetit dhe të oportunitetit", deklaruan përgjegjësit. Kjo formulë e përgjithshme vlen edhe për Korenë.

Calmy-Rey pati vizituar Korenë Veriore më 2003. Fill pas kësaj vizite pati filluar një dialog politik midis Koresë Veriore dhe Zvicrës. Bisedimet u zhvilluan një herë në vit në njërin nga të dy kryeqytetet. Një takim i tillë u mbajt së fundmi prillin e shkuar në Bernë.

Rezoluta e OKB kërkon nga të gjitha shtetet që t'i bllokojnë depozitimet monetare dhe pasurore të personave që mbështesin ose favorizojnë aktivitetet e Koresë Veriore në armët jokonvencionale.

snc shqip:

bislim elshani

zvicra sot >>>

lajme tetor 2006 >>>