Paraqitje tregtare e fokusuar e Zvicrës në botën e jashtme

BERNË. (18.10.06) Prezenca tregtare zvicerane në botën e jashtme e financuar nga qeveria tani do të përmblidhet në një organizatë të vetme. Këshilli federal ka hapur një shqyrtim lidhur me fuzionimin e organizatave Präsenz Schweiz (Prezenca zvicerane), Schweiz Tourismus (Turizmi zviceran) dhe Location Switzerland (Lokacioni Zvicër).

Sipas Këshillit federal, me integrimin e tre institucioneve të marrëdhënieve publike në një institucion të vetëm publiko-juridik federal, do të krijohej një organizatë, e cila do të dispononte madhësinë e duhur si dhe mjetet e mjaftueshme për ta prezantuar Zvicrën në tregun e botës së jashtme.

Präsenz Schweiz, Schweiz Tourismus dhe Location Switzerland aktualisht disponojnë një buxhet që, i llogaritur së bashku, përbën rreth 60 milionë franga. Në një mocion të dërguar nga Këshilli nacional, nga shpenzimet administrative janë kërkuar kursime në masën prej 20%. Sot këto shpenzime arrijnë në 8,75 milionë franga.

Detyrë qendrore e organizatës së re është drejtimi i unifikuar i tregut, angazhimi i bashkërenditur i mjeteve "të pakëta" financiare dhe bashkëpunimi me organizatat tjera, të paintegruara, në fusha të ngjashme.

Pritet gjithashtu një drejtim konciz i tregut, mesazhe kreative publicitare dhe një prani kudo në botë. Organizata e re do të përfaqësohet në një numër shumë të madh vendesh, dhe njëherazi, krejt sipas fushës së detyrave, do të përcaktojë dhe pikat me përparësi. Shqyrtimi do të zgjasë deri më 21 dhjetor.

snc shqip:

bislim elshani

zvicra sot >>>

lajme tetor 2006 >>>