Zvicra proklamon sanksionet kundër Koresë Veriore

BERNË. (25.10.06) Këshilli federal ka shpallur sanksionet kundër Koresë Veriore duke zbatuar kështu Rezulutën 1718 të Këshillit të Sigurimit të OKB. Vendimi përkatës hynë në fuqi nesër, dmth. të enjten.

Siç njofton Departamenti i ekonomisë nacionale, vendimi lidhur me masat kundër Republikës demokratike popullore të Koresë parashikon një ndalesë import-eksportesh për pajisjet e rënda luftarake. Ndalohet gjithashtu dhe eksportimi e importimi i mallërave dhe teknologjive, që mund të shërbejnë për prodhimin e armëve të shkatërrimit në masë dhe të programeve koreano-veriore për raketahedhës. Sipas EVD, edhe ndërmjetësimi apo financimi i këtyre mallërave është i ndaluar.

Zvicra ka shpallur gjithashtu dhe ndalesën e udhëtimeve ndaj personave që janë në lidhje me programin atomik të Koresë Veriore. Pastaj do të bllokohen dhe paratë e mundshme të personave dhe ndërmarrjeve përkatëse.

Vendimi ndalon gjithashtu dhe eksportin në drejtim të Koresë Veriore të mallërave të luksit. Sipas një liste të përkohshme, këtu bëjnë pjesë produkte si orët, bizhuteritë, kaviari, vera, parfumërat, aparatet e kushtueshme elektronike, automobilët luksozë të çfarëdo lloji si dhe objektet artistike.

Ekonomia zvicerane "praktikisht nuk është e goditur" nga vendimi për sanksionet, deklaruan përgjegjësit. Në drejtim të Koresë Veriore, nga janari gjer në gusht të këtij viti janë eksportuar mallëra në një volum modest prej 5 milionë frangash.

snc shqip:

bislim elshani

zvicra sot >>>

lajme tetor 2006 >>>