Këshilli federal hedh poshtë nismën popullore për "natyralizime demokratike"

BERNË. (27.10.06) Këshilli federal ka dekretuar një rekomandim për iniciativën popullore federale për "natyralizime demokratike". Ai rekomandon që iniciativa popullore t'u paraqitet kuvendeve pa ndonjë kundërpropozim, me rekomandimin për refuzim.

Iniciativa popullore për "natyralizime demokratike" është lancuar në raport regresiv me të dyja vendimet e Gjykatës federale të 9 qershorit 2003. Gjykata federale pati vendosur atëbotë që një vendim natyralizimi nuk është thjesht i natyrës politike, por edhe një akt i zbatimit të ligjit. Në të kundërtën, viteve të mëhershme, si në teori, ashtu dhe në praktikë, është mbrojtur kryesisht pikëpamja se natyralizimi përbën një akt politik, që s'ka nevojë për arsyetime plotësuese, dhe që për mungesë të së drejtës për ankimim, nuk ishte as i kontestueshëm. Përmes nismës popullore për "natyralizime demokratike" inicuesit nxjerrin në pah se një vendim i një dimensioni të tillë nuk duhet të dalë përmes drejtësisë, por përmes politikës.

Vullneti popullor, në formën e një projekti të përpunuar, përmban kërkesat e mëposhtme:

Bashkitë duhet të kenë mundësinë të vendosin në mënyrë autonome se cili organ mund të lëshojë të drejtën bashkiake të qytatarisë (natyralizimin).

Vendimi natyralizues që do të pasojë nga ky organ, duhet të jetë definitiv, që do të thotë se nuk do të mund të verifikohet më nga ndonjë instancë tjetër.

Qëndrimi i Këshillit federal lidhur me natyrën juridike të natyralizimeve

Në kundërshtim me nismën popullore, iniciativa parlamentare parashikon që edhe në nivelin bashkiak të sigurohen predispozitat e shtetit juridik, përkatësisht, detyrimi i arsyetimit si dhe garancia për rrugë ligjore në rastin e vendimeve negative, duke garantuar njëkohësisht dhe mbrojtjen e personalitetit të paraqitesit të kërkesës për natyralizim. Këshilli federal këtë dispozitë e konsideron si një rrugë që duhet ndjekur, për ç'shkak kërkon dhe hedhjen poshtë të nismës popullore, dhe në rekomandimin e tij, në vend të kësaj nisme, nënvizon si një kundërpropozim indirekt projektligjin nga Dhoma e kantoneve lidhur me iniciativën parlamentare Pfisterer.

Fushat problematike të nismës popullore

Në të vërtetë, Këshilli federal niset nga fakti se nisma e paraqitur nuk shkel përcaktimet e së drejtës ndërkombëtare. Mirëpo, nëse sipas qëllimeve të iniciuesve nisma do të interpretohej në mënyrën që do të përjashtonte çfarëdo verifikimi juridik për një vendim natyralizimi, kjo gjë do të ishte në kundërshtim me të drejtën ndërkombëtare. Një përjashtim i tillë do të ishte në kontradiktë, në radhë të parë, me dispozita të veçanta të Konventës ndërkombëtare për eliminimin e çdo forme të diskriminimit racial, me ato të Paktit ndërkombëtar lidhur me të drejtat civile dhe politike si dhe me ato të Konventës europiane për mbrojtjen e të drejtave të njeriut dhe të lirive themelore. Në rast aprovimi të nismës popullore, vështirësi plotësuese do të kishin dhe kantonet. Aktualisht një numër i madh kantonesh, në kuadër të rregullave të tyre lidhur me natyralizimin, personave aplikues për natyralizim u njohin të drejtën e ankimimit në rast të paraqitjes së parakushteve të caktuara. Në rast aprovimi të nismës popullore, këto lehtësime nuk do të mund të sigurohen më në gjithë shtrirjen e tyre.

Për këto shkaqe Këshilli federal rekomandon që kjo nismë popullore të hidhet poshtë pa ndonjë kundërpropozim.

snc shqip:

bislim elshani

zvicra sot >>>

lajme tetor 2006 >>>