Ngadalësohet përhapja e gripit të shpendëve

BERNË. (11.01.07) Për shkak temperaturash të ulëta në Zvicër vijnë më pak shpendë ujorë për dimërim kështuqë rreziku për sjelljen e mundshme të virusit të gripit të shpendëve bëhet më i vogël. Mirëpo kjo gjë e vështirëson, njëkohësisht, dhe vëzhgimin e virusit.

Me zotërimin e kushteve klimatike pranverore, shpesët kanë gjetur ushqim të bollshëm. Për këtë shkak, shpesë të ngordhura që mund të testoheshin për prani të mundshme të virusit, momentalisht janë të rralla, deklaron Marcel Falk, zëdhënës i Entit federal për çështje veterinare, për një reportazhë të Radios DRS.

Për momentin duket e vështirë gjithashtu që të kapen dhe shpesë të gjalla për prova, shtoi më tej Falk.

Nëpër thurimat e pajisura me karrem të vendosura në Bodensee dhe në Sempachersee notojnë më pak zogj nga sa është pritur, sepse "thjesht po gjejnë ushqim të mjaftueshëm rreth e rrotull."

Mirëpo, sipas Falk-ut, nuk ka arsye për shqetësim. "Programi i vëzhgimit përbëhet nga tre pjesë. Pjesa e parë dhe e dyta kanë të bëjnë me kontrollin shpeseve të ngordhura apo të kapura nëpër kosha. Pjesa e tretë ka të bëjë me gjuetinë e shpesëve ujorë."

Vëzhgimi nuk rrezikohet

Provat më të shumta hë për hë janë bërë nga gjuetia, ngaqë kjo metodë nuk varet nga rrethanat e motit, thotë Falk. Përgjithësisht, vëzhgimi nuk rrezikohet nga rrethanat klimatike, por vetëm sa po ngadalësohet.

Programi i vëzhgimit ka filluar në tetor të vitit të shkuar. Deri të enjten janë testuar gjithësej 300 shpesë ujorë. Në asnjërin prej tyre nuk është konstatuar virusi i gripit të shpesëve H5N1, thotë Falk.

Mirëpo për një pezullim të gjendjes alarmante ose për ndonjë shtendosje të mundshme të detyrimit në fuqi për shtallëzim të shpesërisë Falk nuk do të dëgjojë. "Edhe gjatë temperaturave të larta mund të paraqitet ndonjë rast." Dhe po qe se pastaj do të shpërthente të ftohtit, përhapja e virusit të gripit të shpesëve papritur mund të përshpejtohet.

"Ne vetëm në mars mund të vlerësojmë se si po zhvillohet dimri dhe se si po zhviillohet edhe gjendja e gripit të shpesëve në këtë periudhë" - thotë Falk.

snc shqip:

bislim elshani

zvicra sot >>>

lajme janar 2007 >>>