Kandidatët për "Anti-Oskar"

Manifestuesit kundër WEF kanë vënë në shënjestër Ikea-n, Novartis-in dhe Ruag-un

BERNË. (12.01.07) Dy javë përpara fillimit të Forumit Ekonomik Botëror në Davos (WEF) organizatorët e manifestimit kundër WEF-it kanë nominuar kandidatët për çmimin "Public Eye" (Public Eye Awards). Kandidatët për "anti-oskarin" e sivjemë në mes tjerësh janë dhe Ike-a, Novartis-i dhe Ruag-u.

Zatën, askush nuk shpërblehet me një çmim të quajtur "Public eye". Çmimet, të cilat sivjet ndahen për të tretën herë, dekorojnë, në fakt, koncernet me "sjellje veçanërisht të papërgjegjshme".

Siç bënë të njohur të enjten e shkuar të dy organizatorët e manifestimit, "Erklärung von Bern" (EvB) dhe Pro Natura, ishin propozuar mbi 40 firma të huaja dhe vendëse. Për zgjedhje tani gjenden gjithësej 9 ndërmarrje në tre kategori të ndryshme.

Projekti minerar, municioni i kalibrit të vogël dhe generika

Për herë të parë me çmimin "Swiss Award" paraqitet dhe një çmim vetjak për firmat me seli në Zvicër. Këtu në listë figurojnë grupi i Zug-ut për lëndë të para - Xstrata, koncerni i Bernës për armatime dhe teknologji - Ruag, dhe koncerni farmaceutik Novartis. Xstrata kritikohet për një projekt minerar në Australi, ndërsa koncerni i kontrolluar nga qeveria, Ruag, në mes tjerash, edhe për shkak të prodhimit prej tij të municionit kalibërvogël.

Në anën tjetër, Novartisi ka kontestuar me gjyq ligjet patentuese hindiane me qëllim që të pengojë prodhimin e medikamenteve zëvendësuese generika. Po ta fitojë gjyqin Novartisi, kjo gjë do t'u kushtojë me jetë shumë të sëmurëve me kancer nëpër vendet në zhvillim, sqaroi Oliver Classen nga EvB.

Në kategorinë "Global Award" janë nominuar tregtuesi holandez i lëndëve të para Trafigura, fabrika suedeze e mobiljeve Ikea dhe prodhuesi japonez i gomave Bridgestone.

Për "Positive Award" janë propozuar tregtuesi me pakicë - Coop, zingjiri hollandez i lëndëve ushqimore biologjike Eosta, si dhe zingjiri britanik i shtëpive të mallërave Marks&Spencer. Me këtë çmim pozitiv nderohet një iniciativë ndërmarrëse udhërrëfyese, tha Sonja Ribi nga Pro Natyra.

S'mungojnë dhe shpërblimet pozitive

"Positive Award" ekziston për një rreze shprese në botën e koncerneve. Coop-i paraprin për shkak të angazhimit të tij shumëvjeçar për një bujqësi biologjike.

"Plaçkitja e vendeve dhe popujve më të varfër mbetet një bazë afariste e shumë koncerneve më të mëdha edhe në konjunkturën e lartë sunduese", thotë Classen.

"Public Eye Awards" u tregojnë anëtarëve të WEF-it dhe koncerneve të tjera se ata i shikon përmes gishtërinjve një opinion publik kritik. Ndarja e çmimeve përbën një "platformë publike ku dalin në shesh shumë anë të errëta të një globalizmi të dhënë pas profitit", sqaroi Ribi.

Çmimet do të ndahen ditën e hapjes së WEF-it më 24 janar në Davos. Manifestimi do të moderohet nga kabaretisti Patrick Frey.

snc shqip:

bislim elshani

zvicra sot >>>

lajme janar 2007 >>>