DEZA po e përforcon luftën për kredi të favorshme

BERNË. (18.01.07) Drejtoria për zhvillim dhe bashkëpunim (DEZA) do të koncentrohet në 14 vende me prioritet të veçantë dhe në 12 fusha tematike. Ajo do të angazhohet në mënyrë të veçantë për kredi të favorshme për vendet e varfra, për luftimin e korrupsionit dhe për reforma në OKB.

"Qëllimi ynë është që përmes resurseve në dispozicion të arrihen efektet më të mira të mundshme", sqaroi drejtori i DEZA-s, Walter Fust, për mediat në Bernë. Gjeografikisht DEZA do të reduktojë vendet me prioritet të veçantë deri më 2010 nga 17 në 14. Në këto vende me prioritet rrjedhin 65 deri 75 për qind të ndihmës bilaterale.

Të goditura janë vende si Ekuadori, prej ku DEZA po tërhiqet, si dhe India dhe Butani, ku angazhimet e saj do të ngushtohen. Në bashkëpunimin me Lindjen deri në fund të vitit do të përfundojnë dy programe vendore (në dy vendet e reja të BE-së, në Rumani dhe Bullgari).

Duke qenë se në bazë të ligjit më të ri për ndihmën për Lindjen, një pjesë e mjeteve rrjedh në "miliardin e kohezionit" për vendet e reja të BE-së, programet tradicionale të ndihmës lindore do të reduktohen: Fusti përmendi si shembull Rusinë, ku ndihma do të përqendrohet në Kaukaz.

Përqendrimi tematik

Tematikisht dëshirohet koncentrimi në tema të tilla si shëndetësia, arsimi, komplekset ujore, bujqësia, ekonomia dhe biznesi, mbrojtja mjedisore, shteti juridik, parandalimi i konflikteve, migracioni ndërkombëtar si dhe integrimi ekonomik.

Bashkëpunimi zhvillimor zviceran do që më 2007-ën të angazhohet në mënyrë të veçantë që vendet e varfra të kenë qasje në kredi të favorshme. Në negociatat midis Bankës botërore dhe bankave zhvillimore rajonale DEZA do të angazhohet fuqimisht për rimbushjen e kazanit përkatës kreditor.

Një tjetër pikë e fokusuar është reforma në sistemin e ndihmës zhvillimore të OKB. Në rrafashin vendor OKB do të duhej të paraqitej si një sistem dhe të ofronte një buxhet vendor, këtë e duan Zvicra dhe vendet tjera perëndimore. Tani duhet që për këtë koncept të bindet dhe grupi 77 (vendet në zhvilim).

Për vitin 2007 DEZA ka buxhetuar për ndihmën zhvillimore, humanitare dhe atë për Lindjen gjithësej 1,3 mrd. franga. Kjo pak a shumë është në lartësinë e viteve të mëparshme.

snc shqip:

bislim elshani

zvicra sot >>>

lajme janar 2007 >>>