Nënshkruhet Marrëveshja për Kampionatin europian të futbollit Euro 8

BERNË. (23.01.07) Numërimi zbritës për Kampionatin europian të futbollit mund të fillojë. 500 ditë përpara fishkëllimës së bilbilit, qytetet nikoqire, si Cyrihu, Berna, Bazeli dhe Gjeneva kanë nënshkruar me UEFA-n të ashtuquajturën kartë Host-City. Marrëveshja përmban të drejtat dhe detyrimet e palëve kontraktuese si dhe rregullon organizimin e përbashkët të projektit.

Kampionati europain i futbollit tani edhe formalisht është një çështje e kryer. Të martën në Cyrih u nënshkruan marrëveshjet për bashkëpunim të të katër qyteteve nikoqire me Euro-n 2008 SA, që përfaqëson një bijë të Unionit europian të futbollit (UEFA). Të merkurën në Vjenë pason ceremonia përkatëse për Austrinë. Përmes kësaj marrëveshjeje Bazeli, Berna, Gjeneva dhe Cyrihu, ashtu si dhe Insbruk-u, Klagenfurt-i, Salzburg-u dhe Vjena, i nënshtrohen rregullave të ashpra të UEFA-s.

Secili qytet nikoqir përfiton nga UEFA, krahas kohëve të emitimit televiziv si dhe reklamave të stadiumit, edhe një numër të kufizuar biletash hyrëse të lira dhe dedikuar për shitje. Pos kësaj, 750 bileta për takim janë caktuar për popullsinë e qendrave përkatëse sportive.

Një festë sportive e treta për nga madhësia në botë

Euro 08 do të startojë në Bazel me 7 qershor. Zvicra bashkë me Austrinë bëhen kështu nikoqire të një manifestimi sportiv të tretë për nga madhësia në botë. Më të rëndësishme janë vetëm lojërat olimpike si dhe kampionatet botërore të futbollit.

Bileta për blerje zyrtarisht do të ketë prej 1 marsit; më thjesht kjo gjë mund të bëhet në webfaqen www.euro2008.com. Bileta e stadiumit vlen njëkohësisht edhe si biletë udhëtimi në rrjetin e trafikut publik për 36 orë. Modalitetet e shitjes së biletave janë thjeshtuar në krahasim me kampionatin botëror. Tani nuk do të regjistrohet secili vizitor individualisht. Biletat hyrëse mund t'u jepen pa problem pjesëtarëve të tjerë të familjes si dhe miqëve. Do të evidentohet, ndërkaq, vetëm emri i blerësit: çdo qytetar mund të blejë më së shumti 4 bileta.

Faza e parë e shitjes e një kontingjenti prej rreth 30 për qind (290.000 bileta) do të përfundojë me 31 mars. Në rast porosish përtej mundësive vendos zari. Duke qenë se stadiumet janë më të vogla, do të ketë, ndërkaq, ndjeshëm më pak bileta se sa në rastin e kampionatit botëror, mirëpo për këtë shkak secili ekip do të marrë 20 % të kapacitetit për lojë për fansat e tij. Në rastin e kampionatit botëror bëhej fjalë vetëm për 8 për qind.

snc shqip:

bislim elshani

zvicra sot >>>

lajme janar 2007 >>>