Kujdesi ndaj fëmijëve: Zvicra si një vend në zhvillim

NEUENBURG. (24.01.07) Gjysma e zviceranëve do të ishin më efektivë në vendin e punës po të mund të siguronin një përkujdesje të mirë për fëmijët. Këtë do të duhej ta kuptonin më në fund edhe drejtuesit.

Ekonomia zvicerane ia lejon vetes një shkapërderdhje që në fakt nuk do të duhej ta bënte. 65 për qind e femrave zvicerane, si dhe 39 për qind e burrave, mbrojnë pikëpamjen se do të punonin më shumë apo më gjatë, po t'u sigurohej një përkujdesje adekuate për fëmijët. Ata besojnë gjithashtu se dhe puna e tyre do të ishte më produktive.

Natyrisht që tek prindërit e rinj, gjer 24-vjeçarë, nevoja për përkujdesjen fëminore është sidomos e madhe. 53 për qind e të punësuarve me diplomë universitare ose me shkollim të lartë, në rastin e një mundësie më të mirë përkujdesjeje do të angazhoheshin më shumë profesionalisht.

Këto rezultate i prezantoi sot drejtoria e shërbimeve të personelit të Kelly Services, me nota kritike: në çështjen e vendeve përkujdesëse për fëmijët Zvicra akoma është një vend në zhvillim.

Kjo është e pashembullt

- në Suedi 72 për qind e të anketuarve shfrytëzojnë një përkujdesje të subvencionuar nga shteti. Në Zvicër, ndërkaq, vetëm 14 për qind.

- 57 për qind e punëmarrësve zviceranë nuk kanë përkujdesje fëminore. Në gjithë Europën kaq keq është vetëm edhe në Francë.

Këto janë problemet kryesore:

- Kostoja e lartë e përkujdesjes

- Kualiteti i munguar ose i pamjaftueshëm

- Listat e gjata të pritjes

Gjendja është më shqetësuese, natyrisht, për prindërit e ndarë ose të ve fëmijërritës, të varur nga aktiviteti i tyre profesional.

snc shqip:

bislim elshani

zvicra sot >>>

lajme janar 2007 >>>