75 për qind kanë qasje në internet

BERNË. (26.01.07) Gjithnjë e më shumë njerëz e shfrytëzojnë internetin, mirëpo vetëm një numri të vogël syresh ky medium u shërben si një burim për informacion politik. Në këtë pikë përparësi kanë tv-ja, radioja dhe shtypi.

Kështu rezulton nga analiza më e re e UN?VOX-it lidhur me shfrytëzimin e mediave në Zvicër. Sipas saj, aktualisht tre të katërtat e të anketuarve kanë qasje në internet, dy të tretat syresh e shfrytëzojnë atë së paku një herë në javë. Mirëpo vetëm gjysma e "onlinerëve" e shfrytëzon internetin herë pas here për të marrë informacione për temat politike.

Prej 66 për qind të popullsisë televizioni përdoret për çdo ditë, 64 përqind lexojnë çdo ditë gazeta, 57 për qind dëgjojnë radion. 29 për qind e përdorin internetin çdo ditë - para 10 vitesh ishin vetëm 3 për qind. Vetëm 10 për qind lexojnë çdo ditë libra ndërsa 9 për qind revista, një tendencë prapavajtëse, përkatësisht, e pandryshueshme.

TV-ja përpara gazetave të përditshme

Që nga 2004 televizioni ua ka kaluar gazetave të përditshme si mediume më të rëndësishme aktuale ditore. Radioja, ndërkaq, ka humbur nga rëndësia.

Në rastin e televizionit, pas një rënieje të programeve të SRG dhe atyre të huaja deri më 2002 sërish janë shënuar ngritje. Me këtë rast televizionet e SRG pretendojnë konkurrencën kundrejt televizioneve të huaja.

Radiot lokale shtojnë auditorin

Në rastin e radios, përkundrazi, programet e SRG-së duhet të kënaqen me humbjen e vazhdueshme të dëgjuesve në favor të radiove lokale. Ato madje kanë lejuar të tejkalohen prej tyre në pikën e përdorimit të përditshëm të mediave.

Për këtë studim të UN?VOX, Instituti kërkimor gfs-Cyrih si dhe Instituti për shkencat publicistike dhe për hulumtime mediale në Cyrih kanë anketuar 705 veta, tre të katërtat e të cilëve në Zvicrën gjermane dhe një të katërtën në atë romande.

snc shqip:

bislim elshani

zvicra sot >>>

lajme janar 2007 >>>