Ndihma zvicerane për çminim në Liban

BERNË. (30.01.07) Qeveria po e zgjeron ndihmën për Libanin në eliminimin e bombave të paeksploduara dhe të minave. Departamenti federal për mbrojtje, mbrojtje civile dhe sport (VBS) si dhe Drejtoria për zhvillim dhe bashkëpunim (DEZA) e Departamentit për punë të jashtme (EDA) i kanë ofruar programit të OKB sisteme të tjera speciale për eliminimin e granatave të paeksploduara duke ndihmuar qeverinë libaneze me materiale sigurie dhe minaspastruese si dhe me një ambulancë.

Popullsia civile në Liban po vuan akoma efektet e luftës nga vera e shkuar. Me kërkesën e OKB, në shtator 2006 armata zvicerane i livroi Programit civil të OKB për spastrimin e minave në vendin përkatës gjithësej 1300 sisteme speciale për shkatërrimin pa prekje të granateve të pashpërthyera dhe të minave. Një pjesëtar i Qendrës profesioanele të armatës zvicerane për spastrimin e minave dhe për eliminimin e mjeteve të luftës (Siguria ushtarake) po i trajnon aktivistët në Libanin e jugut për një javë në përdorimin e këtyre sistemeve të thjeshta.

Në bazë të nevojave konkrete në vend Zvicra do të livrojë edhe 2000 sisteme të tjera speciale për programin e OKB në Liban. Përdorimi i këtyre sistemeve tashmë është dëshmuar në Liban dhe po i kontribuon thelbësisht sigurisë së personelit të programeve minaspastruese.

Që prej dy vitesh e gjysmë një ekspert i VBS është duke punuar në qendrën e OKB për spastrimin e minave në Bejrut në fushën e administrimit informativ. Ky sistem i financuar nga Zvicra dhe i përpunuar nga Qendra e minave për sisteme të zhvilluara informative për minat (IMSMA) është në përdorim në Liban që prej 6 vitesh. Edhe në krizën aktuale IMSMA po ofron informacione të dobishme që po i lehtësojnë operacionet e ekipeve të spastrimit. Pos kësaj është planifikuar që që nga pranvera e ardhshme t'i vihet në dispozicion OKB një ekspert për kontrollin e cilësisë.

Zyra e DEZA-s në Bejrut mbështet Programin nacional të çminimit me 278 mijë franga për blerjen e materialit minaspastrues e të sigurisë, si rroba mbrojtëse, detektorë metalikë, pajisje mjekësore si dhe një ambulancë. Angazhimi i DEZA-s ka pasuar në kuadër të të ashtuquajturit Early Recovery Program. Ky program do të zbatohet me kredinë e deklaruar nga qeveria prej 20 milionë frangash nga të cilat 14,5 milionë franga për Libanin dhe 5,5 milionë franga për territoret e pushtuara palestineze.

snc shqip:

bislim elshani

zvicra sot >>>

lajme janar 2007 >>>