Qeveria do të përmirësojë videovëzhgimin

BERNË. (31.01.07) Videoregjistrimet nëpër stacione trenash dhe nëpër vende publike, për shkak të terrorizmit veprues anembanë botës, duhen shfrytëzuar më mirë.

Si një masë të menjëhershme qeveria vendore mori vendim që të zgjatet afati i ruajtjes së video-shiritave të SBB nga trenat dhe stacionet e trenave. Tani kjo çështje i përket një grupi të ri të punës, i cili do t'i propozojë qeverisë një afat të ri ruajtjeje.

Afati aktual prej 24 orësh, në krahasim me botën dhe në relacion me përvojat, qeverisë i duket si shumë i shkurtër, deklaroi Departamenti për drejtësi dhe polici. Diç të ngjashme pati konstatuar ministri Christoph Blocher qysh gushtin e shkuar, me rastin e një takimi ministror në Vaduz.

Sulmet e dështuara në Gjermani

Krahas EJPD-së udhëheqëse dhe Departamentit për mjedis, trafik, energji dhe komunikacion (UVEK), në grupin e punës duhet të bashkëpunojnë edhe përfaqësues kantonalë si dhe përgjegjësit federalë për mbrojtjen e të dhënave.

Përmirësimi i planifikuar i video-vëzhgimit, sipas EJPD, po ndodh në sfondin e kërcënimeve nga terrorizmi aktiv në gjithë botën. Shkaktarë të drejtpërdrejtë ishin sulmet e dështuara me bomba nëpër stacionet e trenave në Gjermani në gusht të vitit të shkuar.

snc shqip:

bislim elshani

zvicra sot >>>

lajme janar 2007 >>>