Televizioni zviceran - humbje milionëshe

BERNË. (01.03.07) SRG SSR Ide Suisse ka mbyllur vitin financiar 2006 me një humbje prej 25 milionë frangash. Shkaku qëndron tek shpenzimet e larta për produksion si dhe për të drejta transmetimi të lojërave olimpike dimërore në Torino si dhe të Kampionatit botëror të futbollit në Gjermani.

Rezultati negativ vjetor është arsyetuar më tej në njoftimin e sotëm edhe me shpenzimet për digjitalizimin e shpërndarjes së programit. Vitin paraprak qe deklaruar akoma një deficit prej një milion frangash.

Të hyrat kishin qenë pakëz më të larta se sa vitin paraprak, thuhet më tej. Përfitimet sipërmarrëse qenë shtuar për 0,6 për qind, duke arritur në 1,5 miliard franga. Një shtim është evidentuar kryesisht në përfitimet komerciale. Shpenzimet operative ishin shtuar më shumë se sa xhiroja në masën prej 2,5 për qind.

Një shtim i dukshëm në rastin e shpenzimeve programore dhe produktive është shënuar kushtimisht nga ngjarjet e mëdha sportive dhe nga digjitalizimi. Teprica e të hyrave në rezultatin financiar është llogaritur në 6 milionë franga kundrejt 0,7 milionëve në vitin paraprak. Raporti i detajuar financiar do të publikohet nga fundi i prillit.

snc shqip:

bislim elshani

zvicra sot >>>

lajme mars 2007 >>>