Blocher-i për kurset e gjuhës

BERNË. (02.03.07) Christoph Blocher-i do që të obligojë refugjatët me status të njohur si dhe personat e pranuar përkohësisht në Zvicër që të përvetësojnë një gjuhë vendore. Aktualisht në zhvillim janë projektet pilot, deklaron Ministri i drejtësisë.

Në rastin e integrimit kërkesa gjuhësore duhet të zërë vendin e parë, tha Blocher në një intervistë për "Neuen Luzerner Zeitung". Kush do të rrijë në Zvicër, duhet të zotërojë gjuhën.

Një pjesë e parave të kursit duhet paguar vetë

Po të jenë kurset gjuhësore parakusht për lejeqëndrimi, do të duhej që "njerëzit të detyroheshin drejt fatit të tyre" tha Blocher. "Këtë gjë do ta përshëndesja me shumë dëshirë". Konkurruesit, sipas pikëpamjes së tij, do të duhej që një pjesë të parave të kursit ta paguanin vetë. Aktulisht në zhvillim janë projekte pilot.

Vërtetë që qeveria s'mund t'u japë direktiva kantoneve, të cilat janë përgjegjëse për përmbushjen, përkufizoi Blocheri. Mirëpo qeveria mund të vendosë gjerdhe kufizuese. Në rastin e refugjatëve mundet, psh., të reduktohet ndihma sociale. Për të huajt një detyrim i tillë mund të parashikohej si një kusht për marrjen e lejeqëndrimit.

Testi i gjuhës i emplementueshëm nga fillimi i 2008-tës

Testet gjuhësore, sipas pikëpamjes së Blocherit, "po të jetë i pranishëm vullneti i duhur", do të jenë të zbatueshme nga fillimi i 2008-tës. Ngaqë, me të hyrë në fuqi ligji i ri mbi të huajt, parakushtet juridike janë në dispozicion.

Ashpërsime të tjera në ligjin mbi azilin nuk janë planifikuar, thotë Blocher. Një sfidë të madhe përbën shtimi i papritur i kërkesave për azil më 2006 nga Eritrea. Kjo në një pjesë të madhe mund të shpjegohet me vendimin e Komisionit për ankesa të azilkërkuesve që të njohë si refugjatë shërbimrefuzuesit nga Eritrea.

snc shqip:

bislim elshani

zvicra sot >>>

lajme mars 2007 >>>