Pjesëmarrja e femrave në parlament: zvicra ca shkallë më poshtë

GJENEVË. (07.03.07) Femrat zvicerane, në raport me botën, përfaqësohen keq në parlament: sipas klasifikimit vjetor të Unionit interparlamentar (IPU), Zvicra ka rënë nga vendi i 27-të në atë të 31-tin.

Para dy vitesh ajo, madje, ishte në vendin e 22-të. Zvicra po humbet pozita ngaqë përfaqësimi parlamentar i femrave, që nga zgjedhjet federale të 2003-tës, ka mbetur stabil - në kundërshtim me vendet tjera ku pjesëmarrja e tyre vazhdimisht është rritur.

Pjesëmarrja e femrave në Këshillin nacional përbën 25 për qind, ndërsa në Dhomën e kantoneve 23,9 për qind. Ka mundësi që zgjedhjet federale të tetorit këtë tendencë zbritëse të Zvicrës ta përmbysin.

Pararendës absolut lidhur me përfaqësimin e femrave në parlament është një vend afrikan: Ruanda me 48,8 për qind. Pasojnë suedezët me 47,3 për qind dhe Kosta Rika me 38,6 për qind, duke ndarë vendin e dytë dhe të tretë.

Vendet pasuese mbulohen pothuajse krejtësisht nga vendet verieuropiane: Finlanda (38 për qind), Norvegjia (37,9 për qind) dhe Danimarka (36,9 për qind) si dhe Holanda (36,7 për qind).

Dy vende fqinje janë plasuar në listë shumë më lart nga Zvicra: Austria, me 32,3 për qind, zë vendin e 14-të, e pasuar nga Gjermania, me 31 për qind, në vendin e 15-të.

Përkundrazi, Franca, me 12,2 për qind, përplaset në vendin e 86-të. Po edhe Italia, që pati përtëritur parlamentin e saj vitin e shkuar, nuk është plasuar esencialisht më mirë: në vendin e 63-të me 17,3 për qind.

Mirëpo një sinjal pozitiv, për sa i takon përfaqësimit të femrave në parlament, Zvicra e jep gjithsesi me presidenten femër të Këshillit nacional: Christine Egerszegi-Obrist (FDP/AG) këtë vit është zviceranja më superiore. Vetëm 35 vende të tjera në mesin e gjithësej 262 vendeve, kanë një femër për kryetare të parlamentit.

snc shqip:

bislim elshani

zvicra sot >>>

lajme mars 2007 >>>