Në shkollat e Bazelit s'do të ketë më coca-cola

BAZEL. (05.04.07) Shkollat e Bazelit i shpallin luftë ujit të sheqerosur: ata i bien vizë colës në mesin e ofertave. Shkollarët do të kënaqen me ujë mineral dhe me lëngje të holluara frutash.

Shkollat e Bazelit në të ardhmen do të shesin vetëm lëngje të pasheqerosura. Siç deklaroi sot Hans Georg Signer, drejtor i resorit të shkollave në departamentin e arsimit në një raport për gazetën "Basler Zeitung", në dy vitet e ardhshme shkollore pije të tilla të sheqerosura si coca-cola, fanta, sprite ose eistee do të zhduken nga ofertat e enteve mësimore.

Me qëllim që lëngjet e shëndetshme dhe uji të rinjve t'u bëhen më të shijëshme, këto do të kenë paraqitje speciale për sa i përket ngjyrës, stilit, pajisjeve dhe marketingut. Bëhet fjalë që kantoni të sillet si i besueshëm, thotë Signer. Nuk bën që shkollat, në njërën anë t'u rekomandojnë fëmijëve dhe të rinjve një kaftjall të shëndetshëm, ndërsa në anën tjetër t'u ofrojnë lëngje të sheqerosura. "Këtu s'bëhet fjalë për një sjellje sojsëze të shtetit", mbron planin Signeri.

Do të diskutohet për heqjen e pijeve të sheqerosura nga shkollat edhe në Kantonin e Lucernës. Nisur nga pikëpamja shendetësore, dëbimi i pijeve të sheqerosura nga menzat është për t'u përshëndetur, shkruan këshilli administrativ në përgjigjen e tij ndaj një postulati duke u treguar i gatshëm që kjo kërkesë të shqyrtohet.

Duhen ndërmarrë masa urgjente për sa i përket mënyrës së ushqimit të rinisë zvicerane: në 20 vitet e shkuara numri i fëmijëve me mbipeshë është mbi trefish më i madh, ndërsa numri i obezëve pothuajse është gjashtëfishuar.

snc shqip:

bislim elshani

zvicra sot >>>

lajme Prill 2007 >>>