Couchepin do që prindërit migrantë t'i kyç më efektivisht

CYRIH. (10.04.07) Ministri i arsimit Pascal Couchepin dëshiron që prindërit migrantë t'i lidh më efektivisht për institucionet shkollore. Në kontekst të incidenteve nëpër klasat problematike shkollore të Cyrihut, ai ka konstatuar qëndrime neglizhente tek autoritetet. Sërish janë bërë të njohura rastet e nxënësve që u janë kërcënuar mësuesve dhe kolegëve të tyre.

Në intervistat e dhëna për gazetat e të djelave "Le Matin dimanche" dhe "SonntagsBlick" ministri Pascal Couchepin i ka karakterizuar ndodhitë nëpër klasat shkollore të Cyrihut si një katastrofë të pabesueshme. Po qe se 17 nxënës të një klase nuk flasin dot gjermanisht, problemi nuk qëndron tek fëmijët ballkanikë por tek institucionet tona, tha ai.

Pa masakrime politike

Ministri Couchepin apeloi që fëmijët me përkatësi gjuhësore jozvicerane të shpërndahen nëpër shumë klasa. Në Zvicër janë, ndërkaq, me mijëra të rinj nga Ballkani që nuk kanë shkaktuar ndonjë problem. Për këtë shkak është krejt e pakuptueshme se si rasti i një klase shkollore, e cila për dy vjet u paskësh futur tmerrin 6 mësuesve, të shndërrohet në një problem etnik. Nuk bëhet fjalë që ajo të masakrohet politikisht.

Për të mbështetur integrimin, sipas ministrit Couchepin, duhet qe në institucionet shkollore të ketë më shumë vend për njerëz nga Ballkani. "Një prind zviceran e di se të kërcënosh mësuesin nuk fiton asgjë", tha ai. Për të ata të tjerët, ndërkaq, shteti është një armik. Ata do të donin që problemet t'i zgjidhnin vetë, duke qenë se në vendlindjen e tyre shteti nuk merret seriozisht.

snc shqip:

bislim elshani

zvicra sot >>>

lajme Prill 2007 >>>