Zvicra zgjedh jeshil

Në zgjedhjet më të reja kantonale të gjelbrit kanë mundur të shtojnë më së shumti mandate anembanë Zvicrës. SVP-ja ka mundur të ruajë numrin e vet të vendeve. Humbësi më i madh është FDP-ja, mirëpo edhe CVP-ja me SP-në u desh të dorëzonin mandatet.

BERNË. (16.04.07) Bashkë me Kantonin e Cyrihut tani 24 kantone i kanë riprenotuar parlamentet e tyre që prej 2004. Nuk janë llogaritur dy Apenzellët - atje përkatësitë partiake nuk luajnë ndonjë rol të madh.

Duke qenë se kantonet AG, SO, BE, FR dhe VD i kanë zvogëluar parlamentet e tyre për gjithsej 194 vende, numri i përgjithshëm i vendeve është ulur në krahasim me zgjedhjet e fundit të 2004-ës nga 2818 në 2624. Me rastin e zvogëlimit të parlamenteve partitë më të mëdha kanë paguar gjoba mbipërpjesëtimore për sa i përket humbjes së numrit të vendeve.

Të suksesshëm Të gjelbrit dhe SVP-ja

Partia e të gjelbërve praktikisht ka qenë e suksesshme në të gjitha zgjedhjet kantonale që prej viti 2004. Ajo fitoi edhe 57 mandate të reja duke arritur në 190 vende. Në qoftë se më 2004 të blertët kishin 4,71 për qind të vendeve, tani ata i kanë 7,24 për qind. Nuk janë llogaritur këtu liberalët e blertë të Cyrihut, të cilët me një hop arritën të rrëmbenin 10 vende.

SVP-ja ka fituar numër të njëjtë mandatesh si dhe me 2004, që do të thotë 560. Pjesëmarrja e saj në përqindje në vendet parlamentare u shtua nga 19,87 në 21,34 për qind. Kështu ajo nuk ka mundur t'i përsërisë sukseset e saj të mëparshme brilante (1995 deri më 1999: plus 81, 1999 deri më 2003 plus 160 vende), por ka arritur t'i konsolidojë.

SP-ja mezi ka mundur të qëndrojë

SP-ja më 2004 kishte 577 vende në parlamentet kantonale - përkatësisht, 20,47 për qind të të gjitha vendeve. Tani ajo i ka 531, përkatësisht, 20,23 për qind. Në zgjedhjet e mëparshme parlamentare, para përmbysjes së Cyrihut, humbjet dhe fitoret ishin të baraspeshuara. Humbjet e PS të shumtën u shkonin në favor të blertëve.

Më 2004 të shumtën e vendeve në parlamentet kantonale i kishte FDP-ja, përkatësisht, 636 (22,47 për qind të të gjitha vendeve). Tashmë ajo i ka vetëm 524 (përkatësisht 19,96 për qind). Në këtë mënyrë liberalët kanë humbur më së shumti vende nga të gjitha partitë qeveri-formuese.

Numri i vendeve të CVP nëpër parlamentet kantonale është ulur nga 622 në 555, ndërsa në përqindje, nga 22,07 në 21,15 për qind. FDP dhe CVP, ndërkaq, përmbysjen e tyre në zgjedhjet e fundit kanë mundur disi ta rikuperojnë në ZH, LU dhe BL.

Në rastin e grupimeve të vogla politike fituesit dhe humbësit kanë ruajtur ekuilibrin. Kanë mundur të përfitojnë partitë e vogla religjioze EVP, CSP dhe EDU. Ka mundur të përfitojë gjithashtu dhe LEGA në Tesin, fraksioni i së cilës në fillim të prillit mandatet e saj i ka shtuar nga 11 në 15.

snc shqip:

bislim elshani

zvicra sot >>>

lajme Prill 2007 >>>