Kosova para zgjidhjes së statutit

Skenarë të ndryshëm potencialë

BERNË. (19.04.2007) Si do të reagojë Zvicra ndaj vendimit të pritshëm së shpejti nga Këshilli i Sigurimit i OKB? Dikush paralajmëron një angazhim të përforcuar bilateral në Kosovë.

Sipas një komunikate për mediet të Drejtorisë për zhvillim e bashkëpunim (DEZA) brenda qeverisë janë diskutuar në formë interne skenarë të ndryshëm. Në rast të një shpalljeje të shpejtë të statusit përmes Këshillit të Sigurimit, mbase mjaft shpejt do të thirret një konferencë donatorësh për të mobilizuar mjete të reja për ndërtimin e shtetit të Kosovës. Për Zvicrën, e cila për shkak të argumentimeve politiko-migrative nuk do të rrijë dot manash nga ndonjë raund i ri donatorësh, kjo do të nënkuptonte një shtim të buxhetit për Kosovën (aktualisht 14 milionë, pa Swisscoy-in).

Për më shumë mjete ndjehet nevoja para së gjithash për ndërtimin e institucioneve shtetërore dhe komunave të reja në vazhdën e decentralizimit të planifikuar, mendon Alfred Dritischi, përgjegjës i DEZA-s për Kosovën. Në këtë drejtim Zvicra mund të ofronte impulse të rëndësishme. DEZA do të përforconte rolin e saj prijës edhe përmes programit të saj zhvillimor agrar në fushën e një frutikulture dhe perimtarie intensive. Aktualisht po zhvillohen negociata me agjencinë zhvillimore daneze DAN?DA, që përmes një marrëveshjeje implementimi të ngrihet niveli i resurseve programore dhe i rrezes së veprimit. Papunësia në zonat rurale është një problem i rëndë.

Mirëpo çfarë nëse vendimi mbi statusin do të zvarritet? Si pasojë mund të paraqiten trazira shoqërore dhe protesta të ashpra. Zvicra do të duhet ta rishqyrtojë angazhimin e saj në aspektin e sigurisë. Në rastin e një skenari krize, prioritet nr. 1 do të kishte mbrojtja aktive e të drejtave të minoriteteve (serbëve e romëve).

snc shqip:

bislim elshani

zvicra sot >>>

lajme Prill 2007 >>>