Më shumë ekstremizëm të djathtë në Zvicër

ZÜRICH. (23.04.07) Në Zvicër është shtuar lehtë numri i incidenteve raciste. Nga gjithsej 87 incidente, të prekur kanë qenë kryesisht myslimanët dhe zezakët. Njëkohësisht vihet re një rritje në skenën e ekstremizmit të djathtë.

Siç njoftojnë Fondacioni kundër racizmit dhe antisemitizmit (GRA) si dhe Shoqata e minoriteteve në Zvicër (GMS), për vitin 2005 janë numëruar 97 sulme raciste.

Statistika e GRA dhe GMS është botuar në numrin më të ri të kronologjisë "Racizmi në Zvicër".

Megjithëse janë numëruar më pak incidente, të dyja institucionet tregohen të shqetësuara për sa i përket shtimit të armiqësisë kundrejt myslimanëve, të racizmit të shtuar kundrejt zezakëve si dhe të prurjeve në rritje në skenën e ekstremizmit të djathtë.

Norma penale anti-raciste vërtetë që nuk i pengon të gjitha incidentet raciste, mirëpo pa këtë ligj situata për të goditurit do të ishte akoma më e keqe, citohet të ketë thënë kryetari i GSM Werner Kramer në njoftim.

Për vitin 2006 Enti federal i policisë (fedpoli) ka numëruar 109 delikte nga ekstremistët e djathtë. Dy më pak se në vitin paraprak.

Nga mesi i marsit në Bazel është prezantuar një studim i Fondit nacional, nga i cili rezulton se çdo i dhjeti i ri në Zvicër është viktimë e dhunës së ekstremizmit të djathtë.

snc shqip:

bislim elshani

zvicra sot >>>

lajme Prill 2007 >>>