Arkat shëndetësore do të paguajnë hapet anti-duhan

BERNË. (25.04.07) Sigurimet themelore të arkave shëndetësore në të ardhmen do të paguajnë për hapet anti-duhan "Champix" me recetë të obliguar. Prodhuesi i tyre Pfizer ka paraqitur kërkesën përkatëse tek Enti federal i shëndetësisë (BAG).

Kjo ndërmarrje farmaceutike gëzon mbështetjen e shumicës së Komisionit farmaceutik i cili i jep këshilla BAG-ut. Mirëpo ky preparat guzon të paguhet vetëm nën predispozita të rrepta, thotë Max Giger, anëtar i Komisionit farmaceutik, në emisionin e televizionit zviceran "Kassensturz" (Kontrolli i arkës).

BAG-u nuk donte të merrte qëndrim. Zëdhënësi i BAG-ut, Daniel Dauwalder, në përgjigje të pyetjes së agjencisë së lajmeve SDA deklaroi se nuk komentohen dot proceset në zhvillim e sipër. Ndërkaq Komisioni farmaceutik është thjeshtë një organ konsultativ.

Ithtarët e regjistrimit të "Champixit" në listën e preparateve të paguara nga sigurimi themelor argumentojnë se kështu do të mund të kursehej kostoja e lartë e pasojave të duhanpirjes. Kritikët, ndërkaq, druajnë se kështu mund të lindte një kosto prej disa qindra milionë frangash, gjë që do të sillte me vete rrezikun e një rritjeje të premive.

Studimi provonte se nga personat e testuar të trajtuar me "Champix", pas një viti 22 për qind syresh nuk kanë pirë më duhan, ndërsa në rastin e një medikamenti me funksion të ngjashëm kishin qenë 16 për qind. Nga personat e testuar që kishin marrë vetëm placebo, 8 për qind ishin bërë joduhanpirës.

snc shqip:

bislim elshani

zvicra sot >>>

lajme Prill 2007 >>>