Rezultatet e raportit më të ri mbi klimën

Ndryshimet klimatike me gjasë kanë për autor njeriun

Komisioni i OKB-së mbi klimën ka paraqitur të premten raportin e katërt mbi klimën në botë. Shkaktar i ndryshimeve klimatike me një gjasë të madhe duket se është njeriu. Shkencëtarët presin një rritje të temperaturave dhe të nivelit të detit si dhe një shtim të shfaqjeve të rënda meteorologjike.

BERNË. (02.02.07) Intergovernmental Panel on Climate Change (IPCC), i cili u ofron këshillime shkencore komisioneve nga konventa e OKB për ndryshimet klimatike, të premten në Paris ka paraqitur raportin më të ri për ngrohjen globale. Qoftë edhe me ndërprerjen e menjëhershme të efektit të serrës, atmosfera do të vazhdonte të ngrohej edhe për qindra vite të tjera, thekson hulumtimi.

Një porosi qendrore është fakti, që ngrohja e vëzhguar që nga mesi i shkullit 20 e vlerësuar me një siguri prej 90 për qind si e shkaktuar nga efekti i serrës së emetuar nga njeriu, në raportin e fundit të para 6 viteve autorët këtë pohim kishin mundur ta bënin me një gjasë vërtetësie vetëm prej së paku 66 për qind.

Gjashtë skenarë

Hulumtuesit parashikojnë gjashtë skenarë të mundshëm të zhvillimit të temperaturave në bazë të modeleve të ndryshme llogaritëse. Në rast të një skenari të favorshëm të emisionit, atmosfera do të ngrohej për 1,1 deri 2,9 gradë celzisus, në një rast të keq, për 2,4 deri 6,4 gradë. 2 gradë trajtohen sot si një vlerë limit, me tejkalimin e së cilës ngrohja mund të merrte përmasa të rrezikshme.

Niveli në ngritje i detit

Më e madhe është gjasa që temperaturat në vitin 2100, sipas skenarëve të ndryshëm, të mund të sillen midis 1,8 dhe 4 gradë mbi vlerat e sotme. Në 100 vitet e fundit globi u ngroh për 0,74 gradë. Hulumtuesit parashikojnë që si pasojë e ndryshimeve klimatike niveli i detit do të ngritet nga 18 deri 59 cm. Në llogaritë e tyre ata gjithsesi nuk kishin marrë parasysh shkrirjen më të re befasisht të fuqishme të akujve në Grenlandë dhe në Antarktik. 10 apo 20 cm të tjerë do të ishin të mundshëm, po qe se do të përparonte shpejt shkrirja e akujve polarë. Nuk duhen përjashtuar edhe vlera më të mëdha, ndërkaq kuptimi i këtyre proceseve është shumë i vogël për të mundësuar gjykimin e probabilitetit. Në rastin e një ndërprerjeje hipotetike të menjëhershme të emisionit, do të duhej llogaritur akoma me një shtim ngrohjeje prej 0,6 gradë. Edhe në këtë rast niveli i ujërave do të rritej edhe "për qindra vite të tjera".

Më shumë shfaqje ekstreme meteorologjike

Pos kësaj, hulumtuesit fajësojnë efektin e serrës për faktin që, ashtu si shkruajnë ata, kemi më shumë ditë të ngrohta dhe më pak netë të ftohta, se po shpeshtohen valët e të nxehtit, vërshimet dhe thatësirat dhe se shakullinat, sidomos sipër Atlantikut, po bëhen gjithnjë e më të forta. Steinerit, si shef i Unep, raporti i jep shpresën e një cezure historike. Nuk shtrohet më pyetja rreth shkaktarit. Vëmendja jonë tani duhet përqnendruar në luftimin e ndryshimeve klimatike, tha ai në Paris. Ai që nuk vepron, do të dalë në librat e historisë si i papërgjegjshëm.

snc shqip:

bislim elshani

zvicra sot >>>

lajme shkurt 2007 >>>