Të rinjtë bien në grackën e borxheve

Të rinjtë bien kollaj në grackën e borxheve. Pos kësaj, ticinezët dhe romandinët janë më të këqinj në pagesën e llogarive se sa gjermanozviceranët. Kështu rezulton nga Indeksi zviceran i borxheve i ndërmarrjres Inkasso Intrum Justitia, publikuar për të parën herë.

ZÜRICH. (06.02.07) I ri, beqar, pa arsimim dhe me banim në një qytet të Zvicrës latine: kështu duket pamja e një borxhliu tipik zviceran sipas studimit të paraqitur në Cyrih.

Siç pohoi para mediave Thomas Hutter nga Intrum Justitia, shuma mesatare e borxhit sillet rreth 500 franga.

Futja në borxh e burrave të rinj shfaqet shpesh pas ndarjes nga shtëpia prindore, thotë Hutter. Mirëpo viteve të fundit edhe shoqëria ka ndryshuar: "Në kohën e sotme gjithçka e marr me kredi".

Rreziku i futjes në borxh i të rinjve midis 25 dhe 34 vjeç, sipas Intrum Justitia, sillet për 61 për qind mbi mesataren zvicerane. Përkundrazi, mbimesatarisht më pak borxhe kanë seniorët mbi 65-vjeçarë.

Gjermanozviceanët pagues korrektë

Përgjithësisht banorët e qyteteve reflektojnë më shumë borxhe se sa ata nëpër fshatra ose nëpër aglomeracione. Bie në sy me këtë rast hendeku midis Zvicrës gjermane dhe asaj latine: të gjitha qytetet në Romandie dhe në Tessin plasohen më keq në "listën e borxhlinjve" se sa ata në Zvicrën gjermane.

Sipas hulumtimit, morali i pagesave më së keqi qëndron në La-Chaux-de-Fonds, pasuar nga Lugano. Mirëpo edhe banorët e Neuenburgut, Gjenevës, Freiburgut, Lozanës ose Bielit paguajnë më keq se sa mesatarja zvicerane.

Përkundrazi, të prirur më pak për borxhe në listën e klasifikimit të qyteteve paraqiten banorët e Shafhauzenit. Mbimasatarisht korrekt paraqitet morali i pagesave edhe në Thun e Cyrih, mirëpo edhe në Chur, Basel, Winterthur dhe Bernë.

Fëmijët nuk paraqesin rrezik borxhi

Më pak të prirur për borxhe janë edhe njerëzit që jetojnë në raporte çiftesh, si dhe familjet: "fëmijët nuk e shtojnë aspak rezikun e borxheve". Përkundrazi, beqarëve u duhet t'ia dalin mbanë të vetëm për shpenzime si ato të banesës, automobilit dhe sigurimeve, thotë Hutter.

Interesant duket dhe fakti që familjarët vetmitarë bien në sy më pak për borxhe se sa beqarët: me gjasë kjo mund të shpjegohet me pagesën e rregullt të alimentacioneve.

Përkundrazi, më pak befasues është fakti që rreziku i borxheve bie me rritjen e të ardhurave. Më pak borxhe kanë dhe personat me arsimim profesional solid. Krahas të paarsimuarve, edhe biznesmenët e pavarur kanë një rrezikim më të lartë të futjes në borxhe.

snc shqip:

bislim elshani

zvicra sot >>>

lajme shkurt 2007 >>>