BE-ja do më shumë para nga Zvicra

BRUKSEL. (07.02.07) Pas vendimit të dhjetorit të ministrave të BE-së tani në Bernë ka arritur kërkesa zyrtare: në analogji me zgjerimin e BE-së të vitit 2004, Zvicra duhet të marrë pjesë financiarisht edhe në zhvillimin e Rumanisë dhe të Bullgarisë.

Kemi marrë një shkresë nga komisarja e BE për punë të jashtme, Benita Ferrero-Waldner, tha Adrian Sollberger, zëdhënës i zyrës së integrimit. Në të nuk përmendet ndonjë shumë, shtoi ai.

Ligji për ndihmën ndaj Lindjes, të cilin e aprovuan qytetarët me të drejtë vote nëntorin e shkuar, hapi rrugën për një kontribut solidariteti për dhjetë vendet e anëtarësuara në BE më 2004. Me BE-në është rënë dakord për një kontribut prej 1 miliard frangash për 5 vjet.

Për Brukselin kontributi i ri është një çështje thjesht llogaritare, bëhet fjalë për secilin nga 300 milionë franga. Ligji i ndryshuar i ndihmës për Lindjen mund të shërbejë edhe si një bazë për paratë për Rumaninë dhe Bullgarinë, të cilat që prej 1 janarit i përkasin BE-së.

Qeveria këtë kërkesë do ta verifikojë dhe në secilin rast do të udhëzojë hapat e mëtejshëm, tha Sollberger. Ai, ndërkaq, nuk përmendi ndonjë afat kohor. Për ndonjë kredi të mundshme të parallogaritur për Bullgarinë dhe Rumaninë do të duhej të vendoste parlamenti. Për këtë gjë nuk vjen në pyetje referendumi.

Me zgjerimin e sërishëm të BE-së në Bernë që prej kohësh gjendet kërkesa e BE-së për të negociuar lidhur me zgjerimin e lëvizjes së lirë të njerëzve edhe për Rumaninë dhe Bullgarinë.

snc shqip:

bislim elshani

zvicra sot >>>

lajme shkurt 2007 >>>