Në Zvicër janë shitur më shumë cigare

BERNË. (09.02.07) Vitin e shkuar në Zvicër janë shitur rreth 100 milionë copë cigare më shumë se sa më 2005. Kjo gjë e pastroi arkën e shtetit për 42 milionë franga më shumë se sa që u buxhetuan në të. Ndërkaq, qeveria nga ky fakt nuk konkludon se edhe është tymosur më shumë.

Shtimi është shumë më parë një pasojë e spekullimeve tregtare, të realizuara përpara shtimit të taksave prej 30 rapë nga fillimi i 2007-tës, tha Fritz Weber nga Drejtoria doganore federale në një raport për "Mittelland Zeitung".

Së bashku me organizatën sektoriale Swiss Cigarette, Drejtoria doganore vlerëson se vitin e fundit janë shitur 12,9 miliardë copë cigare.

Në vend të të ardhurave tatimore të buxhetuara prej 2,119 miliardë frangash, në Arkën federale rrodhën 2,161 miliardë. Për vitin në vazhdim Weber llogarit me një rënie të shifrave të shitjes për 8 për qind.

Më 2005 shifrat e shitjes kishin pësuar një rënie prej 10 për qind. Shkaktar atëbotë ishte rritja tatimore prej 50 rapë për pako që pati hyrë në fuqi më 1 dhjetor 2004. 12,9 miliardë copë megjithatë nuk përbëjnë rekord, vite më parë në gjithë Zvicrën janë shitur deri 15 miliardë cigare.

Në një pyetësor online të "Perspektive Schweiz" publikuar të mërkurën, 65 për qind prej rreth 20.000 pjesëmarrësve janë deklaruar për çmime akoma më të larta të cigareve se sa janë sot (6 franga për pako). 31 për qind syresh, madje, propozojnë mbi 9.50 franga për pako.

snc shqip:

bislim elshani

zvicra sot >>>

lajme shkurt 2007 >>>