Cyrih: Pa të drejtë votimi dhe zgjedhjeje në nivel bashkiak për të huajt

ZÜRICH. (12.02.07) Në Kantonin e Cyrihut të huajt do të duhet të presin edhe shumë kohë për të drejtën e votimit dhe të zgjedhjes. Këshilli kantonal hodhi poshtë një kërkesë, që qe mbështetur dhe nga qeveria kantonale, përkundër dëshirës së të majtës.

Një iniciativë individuale e një shtetasi të dyfishtë greko-zviceran nuk e gëzoi definitivisht përkrahjen me 94 kundrejt 56 votave. Vetem SP-ja dhe të blertit votuan pro iniciativës.

Shumica e këshillit vlerësoi se ai ose ajo që do të votojë ose do të zgjidhet, fillimisht duhet të natyralizohet. Ndërkaq që pengesat për një gjë të tillë duken shumë të thella. Për të majtën do të vlente kjo zgjidhje: kush jeton këtu, kush punon dhe paguan tatimet, ai duhet të ketë mundësinë që edhe të votojë në nivel bashkiak.

Sipas anëtarit të qeverisë kantonale, Markus Notter, e drejta e votimit nuk ishte në plan të parë. Qeveria shumë më tepër ka dashur që me përkrahjen e iniciativës të theksojë se të huajt janë të mirëseardhur dhe të dëshiruar dhe se duhen trajtuar si pjesëtarë të vërtetë të shoqërisë sonë.

Sipas iniciativës individuale në fjalë, një i huaj do të duhej të kishte bërë së paku 10 vite qëndrimi në Zvicër dhe të zotëronte një leje valide qëndrimi, në mënyrë që ai ose ajo të mund të votonte ose të zgjidhej në nivel bashkiak. Në rast mbështetjeje të projektit, ai do t'i paraqitej më pas edhe popullit votues.

snc shqip:

bislim elshani

zvicra sot >>>

lajme shkurt 2007 >>>