Euro 08

Nikoqirët e përzemërt

BERNË. (15.02.07) Ministri i sportit, Samuel Schmidt, i sheh kartën e huliganëve bashkë me përmirësimet ndërtimore nëpër stadiume si masat më të rëndësishme të sigurisë për kampionatin europian të futbollit. Një masë e rëndësishne, me këtë rast, është dhe përpilimi i një liste me huliganët potencialë të Zvicrës. Ndërkaq, ashtu si dhe në fusha të tjera, edhe në këtë rast shihet e nevojshme mbështetja e klubeve, thotë Schmidt.

Ndalimi i alkoolit

Duhet vrarë mendjen lidhur me çështjen e shërbimit të alkoolit rreth e çark stadiumeve, thotë ministri i sportit. Ai mbron pikëpamjen se nuk i takon qeverisë federale të dekretojë me këtë rast rregulla për të gjithë vendin.

Numri i forcave të sigurisë akoma i hapur

Akoma është e hapur çështja e dimensionimit të forcave të sigurisë, thotë Benedikt Weibel, i deleguari i qeverisë për Euro 2008. Kjo do të varet nga fakti se cilat ekipe do të kualifikohen për raundin e fundit të KEF dhe se si do të jenë të kompozuara grupet. Kjo do të konstatohet vetëm pas daljes në shesh të grupeve më 2 dhjetor.

Ne, nikoqirët e përzemërt

Organizatorët e Euro 08 po punojnë, veç tjerash, edhe në një koncept nikoqirllëku. Kampionati botëror i futbollit në Gjermani ka treguar se perceptimi i vendit nikoqir, krahas kualitetit organizativ, varet në mënyrë vendimtare nga mikpritja e përjetuar, thotë Weibel. Gjermanisë i ka shkuar për dore që përmes kampionatit botëror ta korrigjoje pozitivisht imazhin e vendit. Një shans të tillë duhet ta shfrytëzojë edhe Zvicra. Në këtë kontekst Schmidt konstaton se akoma anembanë zvicrës mbetet të marrë flakë entuziazmi.

Në të vërtetë, një anketë e institutit Demoscope mbi hulumtimin e opinionit nga fundi i janarit ka treguar se 44 për qind e zviceranëve do të jenë krejtësisht indiferentë ndaj Euro 2008.

snc shqip:

bislim elshani

zvicra sot >>>

lajme shkurt 2007 >>>