Migros-i dhe Coop-i do të futin në asortimentin e tyre dhe maskat mbrojtëse

BERN. (20.02.07) Në muajt e ardhshëm Migros-i dhe Coop-i do të futin në asortimentin e tyre dhe maskat mbrojtëse në rast të ndonjë pandemie të gripit. Kështu deklaruan për Radion DRS zëdhënësit e këtyre dy grosistëve të mëdhenj.

Sipas zëdhënësit të Migrosit, Urs Peter Naef, si dhe atij të Coopit, Felix Wehrle, shitja e maskave mbrojtëse është parashikuar dhe në planin federal për pandeminë. Aty thuhet se popullata duhet të furnizohet vetë me material mbrojtës: me këtë rast shpërndarësit e mëdhenj grosistë përbëjnë "një kanal klasik" furnizimi, - thotë Naef.

Sipas zëdhënësit të Migrosit, maskat mbrojtëse do të vijnë nga Kina; ato akoma duhen porositur. Mbetet akoma e hapur se sa copë do të përfshijë porosia dhe se në ç'datë do të paraqiten këto maska nëpër raftet e merkatove.

Po qe se nisemi nga fakti që një maskë e tillë mbrojtëse, për shkak të efektivitetit të saj duhet ndërruar deri në 4 herë në ditë, atëherë porosia mbase mund të përfshijë disa qindra milionë copë, tha Naef.

snc shqip:

bislim elshani

zvicra sot >>>

lajme shkurt 2007 >>>