Prevencion i përmirësuar për të rinjtë

BERNË. (21.02.07) Të rinjtë e rrezikuar do të integrohen më mirë në aspektin social. Për këtë shkak, Konferenca e drejtorëve socialë kantonalë u kërkon qyteteve dhe kantoneve që të përgatisin programe përkatëse.

Konferenca e drejtorëve socialë kantonalë (SODK) do të nxisë integrimin social të të rinjve të rrezikuar. Ajo angazhohet që edhe kantonet dhe qytetet tjera të përgatisin programe të ashtuquajtura Supra-F për të rinjtë. I koncipuar fillimisht si një program për parandalimin e varësive, Supra-F u zhvillua më tej në një model të provuar të zbulimit dhe intervenimit të hershëm tek moshat e reja. Me këtë rast bëhet fjalë për një ofertë parandalimi për të rinjtë, të cilët përkohësisht ose në periudha të gjata kohore janë të rrzikuar në zhvillimin e tyre, njofton SODK.

Për pasojë, kontrolleve në Zvicër u janë nënshtruar midis 10 deri 20 për qind të të gjithë të rinjve, ose llogaritur në shifra, midis 60.000 deri 120.000 të rinjve të moshës nga 12 deri 18 vjeç. Sipas SODK, integrimin e tyre shoqëror e rrezikojnë kushtet e disfavorshme shoqërore, shqetësimet familjare dhe sjelljet problematike, si gadishmëria për dhunë, konsumimi i drogës dhe alkoolit si dhe delikuenca. Tek vajzat, ndërkaq, janë të përhapura dhe mllefet depresive, suicidialiteti dhe ankthi. Zbulimi me kohë dhe intervenimi profesional mund t'i përmirësojnë shanset e këtyre të rinjve për përfundimin e shkollës dhe për nxënien e një profesioni.

12 programe për të rinjtë Supra-F të nxitura nga qeveria në vitet 2000 deri 2003, që prej vitit 2004 janë duke u vazhduar më tej në mënyrë të pavarur nga kantonet dhe bashkitë e caktuara. Deri më tash prej tyre kanë mundur të përfitojnë mbi 2000 të rinj. Sot në shtatë kantone ekzistojnë gjithësej 12 programe Supra-F. SODK do të bëjë përpjekje që edhe kantonet tjera të përgatisin programe të tilla për të rinjtë.

snc shqip:

bislim elshani

zvicra sot >>>

lajme shkurt 2007 >>>