Mathey kërkon "ndryshim mentaliteti"

BERNË. (26.02.07) Si "krejtësisht të pavend" i quan Francis Mathey, Kryetar i Komisionit federal për të huaj (EKA), masat selektive në politikën kundrejt të huajve. Ka nevojë për një "ndryshim mentaliteti", thotë Francis Mathey.

Të huajt duhet të përpiqen për t'u integruar, mirëpo në këtë rast duhet t'u ndihmojnë zviceranët, sqaron Mathey në një intervistë me gazetën Le Matin, numri i sotëm: "Ne duhet të pushojmë së stigmatizuari ata për shkak të origjinës dhe duhet të përqendrohemi në gjendjen e tyre ekonomike dhe shoqërore."

Të huajt e moshave të reja që bëjnë delikte më shpesh se mesatarja zvicerane, do të kenë pasur probleme më të mëdha se sa zviceranët e rinj. "Ata diskriminohen për shkak të ngjyrës së lëkurës, për shkak të emrit, e ndonjëherë mbase edhe për shkak të vendbanimit. Papunësia në mesin e tyre është më e madhe", - sqaroi presidenti i EKA-s.

Përzënia e delikuenteve të huaj bashkë me familjet e tyre, një formulë kjo e futur në lojë nga ministri i SVP-së, Christoph Blocher, përbën "një masë selektive" e cila nuk i zgjidh dot problemet e integrimit.

snc shqip:

bislim elshani

zvicra sot >>>

lajme shkurt 2007 >>>