80 për qind e të paraburgosurve në Zvicër janë të huaj

NEUENBURG. (28.02.07) Një e treta e rreth 5900 të burgosurve në Zvicër janë të burgusur nën hetime (të paraburgosur). Nga të gjithë këta, 80 për qind janë të huaj, prej të cilëve 55 për qind pa leje qëndrimi. Pjesëmarrja e të huajve varet shumë nga praksa kantonale e paraburgimit.

Siç njofton Enti federal statistikor (BFF), më 6 shtator 2006 nëpër burgjet zvicerane kanë qenë gjithësej 5.888 persona të burgosur (viti paraprak: 6.137). 63 për qind syresh ishin në mbajtje dënimi, 31 për qind në paraburgim, 5 për qind në burg paradeportimi dhe 1 për qind për shkaqe të tjera. Këto përqindje që prej vitit 2005 janë stabile.

Në paraburgim janë gjendur 1.808 persona. Nga mbi 20 përqind syresh ishin zviceranë, përkatësisht, të huaj me lejeqëndrimi, 15 për qind në procedurë azili dhe 44 për qind të huaj pa leje qëndrimi.

Pjesëmarrja e të paraburgosurve të huaj me leje qëndrimi që nga viti 2004 ka shënuar një rënie prej 13 për qind, ndërsa ai i atyre pa leje qëndrimi është rritur për 10 për qind.

Praksa e paraburgimit në Zvicër është e rregulluar krejt ndryshe nga kantoni në kanton. Sidomos shpesh është urdhëruar burgu hetimor në kantonet Bazel, Gjenevë dhe Cyrih (në 33 për qind të vendimeve gjyqësore). Atje edhe ndalimi mesatar është proporcionalisht i shkurtër (dy ditë).

Nëpër kantonet me kohëzgjatje të shkurtër paraburgimi pjesëmarrja e të huajve (para së gjithash e atyre pa leje qëndrimi) është më e lartë se sa në kantonet me kohëzgjatje mesatare apo të gjatë. Në BS, GE dhe ZH mbi 57 për qind e të paraburgosurve kanë qenë të huaj pa leje qëndrimi, në kantonet tjera më pak se një e treta.

Duke qenë se nuk ishin të përfshira shkaqet e urdhëresave për paraburgim, BFS mori në shqyrtim dhe statistikën e vendimeve gjyqësore. Analiza e vendimeve gjyqësore nëpër kantonet me kohëzgjatje të shkurtër paraburgimi (BS, GE, ZH) tregon se paraburgimi prej më së shumti dy ditë, në 83 për qind të rasteve kishte të bënte me personat me prejardhje nga jashtë, ndërsa gjysma e tyre ishin gjykuar për shkak të ndonjë kundravajtjeje kundër ligjit mbi të huajt (ANAG).

snc shqip:

bislim elshani

zvicra sot >>>

lajme shkurt 2007 >>>